Pagina:Goldoni - Opere complete, Venezia 1922, XXI.djvu/459

Da Wikisource.
Jump to navigation Jump to search

CHI LA FA L'ASPETTA 453

Raimondo. Quel cha fatt voster mari in cà del sgnor1 Bernardin.

Tonina. Cara ella, no la me fazza parlar...

Cattina. Oh via, che no i staga adesso a parlar de negozi.

Tonina. Vorla sentarse qua, vorla che andemo de là?...

Cattina. Gnente; mi no me son gnancora sfogada, e me veggio sfogar. La dise che la me vol tanto ben, e una zornada che avevimo da star insieme, la chiappa su e la n’impianta?2

Tonina. Ghe assicuro, siora Cattina, che mi no ghe n’ho colpa, e co mio mano m’ha dito3 sta cossa, el mio viso xe deventà una brasa de fogo. Anzi ghe dirò la verità. Mio mario voleva che vegnisse doman a domandarghe scusa, e in verità no saveva gnanca come far a vegnir.

Raimondo. Vì, se al sgnor Gaspar n’a psu4 esser con nu sta mattina, generosamente al vol ch’a cenamen in compagnì stassira.

Tonina. Dove? (con maraviglia)

Raimondo. Oh bella; in casa vostra, al n’ve l’ha ditt sior Gasper?5

Tonina. No, in verità, nol m’ha dito gnente.

Cattina. Gh’ala impegni? Anderala via anca stassera?

Tonina. No, cara siora Cattina, no la me mortifica d’avanzo6. Ghe digo e ghe accerto che no podeva aver una consolazion più granda de questa. Dove l’ala visto mio mario?

Raimondo. An l’ho minga vist, el m’ha scritt un bigliett. Oh el m’ha fatt rider con ste bigliett. (lo tira fuori e legge) Ci sarà tutta la compagnia fuori del ridicolo sior Zanetto e della sguattera sua consorte. S’ai iera7 quel matt, mi an ghe vegniva.

Tonina. Oh per mi za, la pol dir quel che la voli, mi no so gnente, mi no conosso nissun; el fa le so cosse senza dirme gnente.

Cattina. (Per mi me basta che ghe sia Bortoletto). (da sè)

Raimondo. Me despias solament una cossa. (a Tonina)

Tonina. Cossa, sior Raimondo?

  1. Ed. Zatta: signor.
  2. Prende su (opp. se la piglia) e ci pianta.
  3. Quasi sempre è stampato dito (detto), secondo la pronuncia naturale veneziana.
  4. Mi sono qui preso la licenza di correggere il testo dello Zatta dove è stampato: se el signor Gaspar n’ha più ecc.
  5. Così l’ed. Zatta.
  6. Per di più.
  7. Se c’era.