 |
Questa pagina è stata trascritta e formattata, ma deve essere riletta. | |
| LA BOTTEGA DA CAFFÈ | 223 |
Che no val un sacchetto de zecchini.
Ve torrò senza gnente, ma per far
Quel che bisogna in casa, con maniera,
Fin che sè forestiera,
Col benefizio della mascheretta
Poderessi avanzar qualche cossetta.
Ma intendemose ben, onestamente;
E po no dubitè,
Che alle occasion ve starò sempre arente.
Dorilla. Farò quel che volete.
Ma qui vien gente, io mi ricopro il volto.
Narciso. Fe ben; quel che vedè
Xe un certo sior Zanetto,
Fio de un mercante ricco; el fa con tutte
El cascamorto, el spende generoso,
El fa da vertuoso,
Ma l’è un ignorantazzo:
Podè pelarlo, e torvene solazzo.
SCENA III.
Zanetto e detti.
Narciso. Lustrissimo, la servo.
Zanetto. Famelo 2 apposta.
Narciso. Giusto adesso el fava.
Zanetto. Digo ch’el voggio apposta, m’astu inteso?
Narciso. Lustrissimo, sior sì. (Ghe voggio dar
Per ste so cargadure 3
Tutte le scolaure). (va per il caffè
Zanetto. Patrona siora maschera, la diga,
Comandela caffè? Eh via, no femo
