I xe giusto a proposito
Per el vostro bisogno. El sior Zanetto
Ve fa sto regaletto:
Accettarlo bisogna, ma convien
Far che l’ultimo el sia.
Dorilla. Così va ben.
Narciso. Bisogna che finzè...
Zanetto. Xela giustada ancora?
Narciso. No, aspettè.
Bisogna che finzè d’esser placada;
Feghe qualche finezza,
E quando che vedè...
Zanetto. Narciso, èla giustada?
Narciso. Mo aspettè:
E quando che vedè ch’el se ingaluzza,
Trattegnilo a parole,
Fina che vegno mi con una burla,
Che za gh’ò parecchiada.
Zanetto. Narciso, vala ben?
Narciso. La xe giustada.
Zanetto. Bravo, vien qua che te vôi dar un baso.
Narciso. Grazie al so bon amor.
Zanetto. Donca, patrona...
Dorilla. (Gli volta le spalle.
Zanetto. Possio sperar che sia... Vardè che sesto!
La xe giustada, e la me volta el cesto1.
Narciso. Mi l’ho aggiustada, ma bisogna adesso
Che ancora lu el la prega.
Zanetto. Ah! sì, xe vero.
Son qua... la mia vergogna...
Se l’amor che mi gh’ò... se la creanza...
La passion de dover... certo debotto...
No posso più parlar, che gh’ò el sangiotto2.
- ↑ Vol. VII, 125. 176; XII. 167 e 439; XIII, 310 ecc.
- ↑ Singhiozzo e singulto: Boerio.
