 |
Questa pagina è stata trascritta e formattata, ma deve essere riletta. | |
asochè e te mostre la parolla de Dee". E quando lo fante fo alontanao e Samul preize una anpoleta de orio e butàla sum la testa de Saul, e poa o lo baxà e ge disse: "Vete so che te mando[sic] lo segnor Dee, e ello vo che ti sei re sorve lo povo, e ti li libererai da li soi inimixi, e asochè ti crei bem che lo segnó Dee vo che ti sei re, si te dago questo segná, che quando tu sarai a lo sepurcho de Recael, chi è in lo fiume de Beram, ti troverai doi homi chi te diram che le sumere som trovae, e che to paire e monto pensozo per voi, e dixe: Ch'è de lo mé figio Saul? E quando ti verai a lo monte Tabor, ti trovere' trei homi, e l'um porterà tre agnelli e l'atro tre' fugasse, e l'atro una barí de vim, e con quelle cosse ti monterai a lo nostro segnor Dee, e si è una staxom de Filistei, e poa che ti sarai insío de quella villa, si troverai una grande conpagnia de proffeti, chi veràm incontra a lo monte, chi anderàm proffetezando e averàm davanti lor organe e viore e monti stromenti e lo sprito de Dee verà in ti e sarai muao de atra mainera che lo segnor Dee sarà conteigo e proffetezere' con lor e poa vere' a disná con meigo in Gargala, porta1 che sacrifficho per ti la offerta a lo nostro segnor Dee e aspetame li tan fin che e vegna, e mostrerote tuto so che ai a fá". Partisse Saul e anovage tuti quelli segne' che Samaul proffeta ge avea dicto, e quando o fo a lo monte Tabor ello trovà tuti li proffeta chi vegnivam proffetezando, e la gracia de lo nostro segnor Dee vegne sorve Saul in mezo de quelli proffeta, e elli se maravegiam che so [...] Saul figio de Samuel proffeta. Possa ze Saul unde era so paire, lo qua ge disse: "Unde e-tu staito tanto?" Respoze Saul: "E andava serchando le somere e Samuel proffeta me disse che elle eram tronae". Questo disse Saul a so paire, ma de lo faito de lo regno o non ge vosse dí niente. Or, poa che Saul fo partio da Samuel, e Samuel fe congregá tuto lo povo in um logo chi era ihamao Masue e si ge disse: "Baroim, voi me demande' re, e si ve dissi che o non voressi avei re sorve voi, persochè o ve terea in sogigaciom, e si ve dei a intende so che era la uzanssa de li ree, e voi non me voresti cre', avanti, o me dixesti che in ogni guiza e voreivi avei re, asochè o fossi como l'atra gente chi am re, e persò si ve aparegie' tuti a pregá a lo nostro segnor Dee chi bote sorte in piaschum tribu e de tribu per piaschu linagio, e possa per cavi de baroim, tan fin che troveremo re chi ne governe". Quando Samul proffeta ave dicto so, si zitàm le sorte sorve li tribu, e vegne la sorta sum lo tribu de Beiamim, e poa butàm le sorte sorve li antigi, e vegne la sorta sorve Bel, e poa e fem le sorte sover li cavi de Beiamim, e vegne la sorta sover Saul, e fèlom demandá, e non lo trovàm, che o no ge era, e fenon[sic] tanto serchá che elli lo trovàm, e menallom[sic] in mezo de lo povo davanti a Samuel proffeta, e Saul era mao cha tuti li atri da la spalla in zu, e lantó Samuel disse a lo povo: "Inter voi non è nissum chi semegie a questo". Quando Samuel porffeta[sic] ave dicto so, lo povo disse a una voxe: "Viva lo re!" E alaora o fe scrive Samuel lo dricto de lo re, e si lo fe leze davanti a tuto lo povo, e poa o lo fe possá in um logo a posta de lo re, e poa piaschum tornà in lo so logo, e Saul se ne ze a lo so abergo in Galam de Beiamim, e archum ge ne fo a chi pezava che Saul devesse regná, e favam sembianti che nissum non se ne acorzesse.
Chì se contèm como Naas figio de Talas ocize Iabes e com[sic] Saul lo conquize in canpo.
apoi questo faito, a cavo de un meize Naas, figio de Talas, aseize a la villa de Iabes Galad, e lì si demandà trega a quello re de Naas. E questo re de Naas ave' per costume che tuti quelli che o prendea in batagia, si ge fava cavá lo ogio dricto, asochè elli non ge poissem pu vegní incontra.
Or lantora Naas si respoze a quelli de Galad che ello farà trega in questo modo: se elli se lasasem cavá tuti lo ogio dricto de inter la testa. E lantora quelli de Galad demandàm spacio per sete iorni e che elli mandeream per la terra de li figij d'Issael, e se elli non avessem secorsso infra questo tenpo, che elli insireivam fora a la batagia, o che elli faream tuto so che voresse lo re Naas, e se acordàm tuti a questo. E infra questo termem, quelli de Iabes Galad si mandàm mesagi a lo re Saul digando como lo re Naas li avea asidie', e che ello non li vorea salvo per homi morti, e pregavanlo che ello li devesse
- ↑ aggiunto e poco leggibile
