prima cercand del mond, e che nu, che sém pizègn1, atendém a ca e a governà nos pader; e se in sto mèz te trovaré qualche bôna ventura per ti e per nu, te ne scriveré de qua2, e pò nu te vegnerém dré a trovà. Zambô, che credeva oselà Bertaz e Santì, intisa3 la risposta, a’ la no-g savì lü trop bôna; e zambotand fra si medém4, ol dis: Ma costör a’ i è lôr piü tristi e maliziôs ch’a’ no so mi; e quest disiva per che l’avia pensat de mandà i fradèi a spaz, a-zò che per la carestia a’ i moris da fam, e lü restas parò5 dol tug’6, per che ol pader l’iera plü de là che de qua7, nè podiva andà trop de long. Ma la gh’andé a Zambô altramét8 de quel che l’avia pensat. Intisa adonca9 Zambô la opiniô10 de Bertaz e de Santì, ol fé ü farsèt de certi pochi strazi che l’avia; e tolt un carner con dol pa e dol formai e ü botazol11 de vi, e in pe’ un pér de scarpi de cuor de porc ros, ol se partì de ca, e se n’andà12 vers Bressa. E no trovand partit per lü, l’andà a Verona, dove ol trovà un mister13 de bareti14, ol qual ghe domanda se ’l savia lavora da bareti, e lü ghe respòs che no; e vedend che no-g iera15 cosa16 per lü, lassà Verona e Vicenza e sì ol se lassà vegnì a Padova: e vedüt ch’a ’l fo da certi medeg17, ghe fo domandat se ’l saviva governá mulèti18, e lü ghe respós de no, ma ch’el saviva arà la tera e podà le vigni; e no se possènd cordà con lör, se partì de là per andà a Venesia. Avend Zambô caminat assé, e no avend
- ↑ pizzoi, 8, 4
- ↑ — de za, 3, 8, 4.
- ↑ — intesa, 3, 8, 4
- ↑ — zambotando... costur, 3, 8, 4
- ↑ — parù, 3, 8, 4
- ↑ — tutg, 0, 1; tut, 3, 8, 4
- ↑ — de za, 3, 8, 4
- ↑ — altrament, 3, 8: 4
- ↑ — adunca, 3. 8, 4
- ↑ — opiniù, 4
- ↑ — bottazol, 0, 1
- ↑ — andè, trovè, arrivè, 8. 4
- ↑ — maister, 8, 4; cfr. ol mister da-y cirg. «circulifex» in Glossario cit. n. 1033
- ↑ — berétti, 3, 8
- ↑ — no giera, 8, 4
- ↑ — cossa, 3, 8, 4
- ↑ — medegh, 0, 1; miedegh, 3, 8, 4
- ↑ — mulletti, 0, 1; mulech, 3, 8, 4.
