Pagina:Straparola - Le piacevoli notti I.djvu/322

Da Wikisource.

— 290 —

ribald, manegold, giot e scelerat; quest’è ol premi e ol guidardô1 che te-m rendi dol benefici che t’ho fag’, chè, de me vil famèi2 che t’eri, t’ho mi fag’ parô non solament de la roba, ma ancora de la propia mia persona; e ti a sto muód me trati? Tas, traditôr; chè a ogni muód a te n’empagherò. Ser Zambô, sentend che madona Felicèta cresceva e moltiplicava in paròi, te la giocava süs3 al bèl polit. L’era vegnüda a tant madona Felicèta, che, com la sentiva che ser Zambô parlava o se moviva, la tremava com fa la fòia al vent, e se ’s pissava e cagava sot d’angossa. Pasada che fo l’invernada e vegnüd l’instad, l’acadè a ser Zambô de andà per certi so fazendi e per scodì certa quantità de denér4 da debitori de la botiga a Bologna, e ghe convegniva stà assé zornadi; e dis5 a madona Felicèta: Felicèta, te fo a savì c’ho mi do fradèi, tug’ do gobi com a’ sogn a mi6; e sì a’ i me somegia sì fatament, ch’a’ no sém cognosüdi l’ü da l’alter7, e chi ne vedès tug’ tri insembra, a’ i no sarèf dì qual fos mi e qual fos lôr. Guarda8, se per ventura a’ i se imbatis a vegnì in sta tera e che a’ i volès alozà in ca nostra, fa che per nient ti no i recevi9 in ca, per che a’ i è tristi, sceleradi e scaltridi, ch’a’ i no te fès un a te levavi e se n’andas con Dé10, e che ti romagnis co le ma pieni de moschi; e si so che ti i alberghi in ca, a ’t faró la plü grama fomna che s’atrovi al mond. E deti sti paròi11, se partì. Partit

  1. guidardù, 3. 8, 4
  2. fameig, 0, 1
  3. te la toccava sus., 3, 8, 4
  4. diner, 3, 8, 4
  5. e diss, 3, 8, 4
  6. so gn’a mi, 0, 1; so gna mi, 3, 8; sogna mi, 4; si può tradurre = gobbi come sono anch’io =, oppure = così gobbi come non sono neppure io =
  7. olter., 3; oter, 8, 4
  8. Varda, 3, 8, 4
  9. ti no i recivi, 3, 8, 4
  10. — invece di a te levavi, 8, 4 recano una turfa, trufa; e invece di andas con Dé — gran mercè della censura! — andes via
  11. Dite ste paròi, 3, 8, 4.