Poesias (1890)/5
 |
Questo testo è incompleto. | |
| ◄ | 4 | 6 | ► |
Il piz mezzaun, in meditaziuns d’utuon.
Eau sun nomno il piz mezzaun,
Stun co fidel, vegl guardiaun
Della bell’ Engiadina !
E chell’ ais bella poss eau dir,
Mia chera val. (tuot sto convgnir)
Eau la contaimpl’ adüna!
Bgers grands e pitschens frers co staun
Intuorn, chi tuots la guardia faun,
Ogn’ ün sur sia contreda;
Ma sgür üngün as po vanter
Sur ün pajais pompus da ster
Sco mia verda valleda.
Cun gods e leihs — e pros ed êrs
E taunts superbs, glüschaints cluchers,
Tuots con lur vschinaunchetta,
Chi, imminch’üna prova do
D’ün pövel, chi sduvler as so,
Ama sia val diletta.
Eau poss imminchadi tadler
Ils sains da taunts cluchers suner
Damaun, mezdi e saira ;
Eau vez las postas a passer
E vez las scossas a’s purter
Sül munt e sün la faira.
Eau vzet darcho, a plaina sted
Charozzas in gran quantited
Con glieud zuond itfiteda,
Chi d’ ogni part del muond vain no,
Sandet, dalet voul chatter co,
Youl vair mia val ameda.
Eau vez il pur — e sün ils pros
Con erv’e fluors vzet fer chanvos
[363]E vzet raner aint la fneda;
Eau vzet la mess a madürir
E vez il verd uoss' a svanir ;
Uo88’ ais la sted glivreda!
Ed uoss’ üngün vain pü qui sü
Ed eau bainbod stögl metter sü
La fraid’ alva chapütscha;
Ed alva vainst mia val dvanter
E saimpr’ amabla vainst rester
Fin cha l’inviern eir mütscha.
Schi posa bain — e prosperer
In liberted ed in bainster
Possasc tü pür adüna!
E saimperpü at fer amer,
Ch’eau poss’ adüna be chanter
Tieus lods, mi ’Engiadina !
Balaster.