Poesias (A.T. Tuor)/6
 |
Questo testo è incompleto. | |
Las spigias
| ◄ | 5 | 7 | ► |
Ti vesas, sche ti miras,
Sestorscher tochen plaun
Las spigias ch' ein madiras
E pleinas ch' ein da graun.
5 Dasperas enzacontas
Ch' ein tuttas senza fretg,
Ed autras pauc pesontas
Ad ault sestendan fetg.
Tut pleinas da luschezia,
10 Sefan de sburitschiu;
Tschaghegnan ord l' altezia
Cun spréz da surengiu.
Ti vesas mintga gada
Che ti fas stem empau,
15 Che tonts che fan parada,
Possedan pauc el tgau.