Poesias (Camathias)/9
 |
Questo testo è incompleto. | |
| ◄ | 8 | 10 | ► |
A mesa cureisma.
<poem> Quietas schiglioc ein las vias, E vitas il bia las ustrias, Quei temps, che suonda sil tscheiver: La buors' ei svidada e schentga; 5 El pievel cureisma la strentga Scaffescha in uorden oreifer. Tut auter quessera ei para; Ins auda cheu ora, ch' ei sgara. Rueida de mats silla plazza. — 10 Avon che grond scandel cheu prender, Tschaff' jeu giud la preit il calender, Udent vinavon la ragazza . . . . Amiez la cureisma nus essan, Ils dis digl unviern ussa tschessan: 15 Entschatta fa la primavera; Gliei mesadigren e notg stgira, Rimnada ei tut la gienira Entuorn la fontauna quessera . . . Nuot auter, ei „resgian la veglia“ 20 E suenter van tier la butteglia, Sco gliei cheu restau quella moda. Ei resgian naven la buccada Cureisma, ch' ei ussa vergada, E salvan la veglia metoda! 25 Cumedias fa la brigada: La resgia sin crappa smutada Ei pendan sin tetg per memoria. Pagaglia per quella bravura Els spetgan da matta ni pura, 30 Puschegn per la legra historia: „Solemnamein ussa resgiada, La mesa cureism' ei vergada: Purtei enzatgei ord cuschina! Far legher nus lein ina sera, 35 Entscheiva gie la primavera, Miez fatga ei schon la gigina!“