Poesias (Camathias 1918)/13
 |
Questo testo è incompleto. | |
Florin Camathias - Poesias (1918)
Il sogn num
| ◄ | 12 | 14 | ► |
ooo
Il sogn num.
Sco solegl tiu num sclarescha,
Jesus, glisch dils vercartents;
Ord il spert il stgir untgescha
Tras tes radis clars, pussents:
Car Salvader benedescha
Cun verdat tes survients!
Spert e cor pon en legria
Prender si il num de Diu,
Sco a Nazareth Maria,
Ch'ha dagl aunghel quel udiu:
Dultsch confiert ti eis sin via
A quel, ch'ha tei conoschiu.
Graziusa medischina
Ei tiu num miraculus;
Bien pastur, buontat divina
Ha menau tei giu tier nus:
Sei ludaus perquei adina
Tiu num sogn e glorius!
ooo