Poesias (Cloetta)/1
 |
Questo testo è incompleto. | |
| ◄ | Poesias | Poesias | ► |
POESIAS. DA G. G. CLOETTA.
1. L'assalt da Tschlin o Donna Lupa.
1. Nan da Sampuoir als ha mossà
Ün traditur la via,
Ed uoss Ia compagnia
Nel plan Pra grand as tgnet zoppà
Fand plans da fö e rapina —
O povra Engiadina!
2. E da vendetta e viltà
Els piglian bocca plaina,
Perche da Chalavaina
II cuolp non han els imblidà.
Spiuns a Tschlin els tramettan.
Perche ils „Purs" els respettan.
3. Intant a Tschlin ais funeral :
L'ais stat ün hom da vaglia,
Blessà nella battaglia,
Nel grand combat vi sper Damal.
Laschand il comün sainza chüra
Tuot và alla sepultüra.
4. Be Donna Lupa stet a chà
Per preparar la palorma,
II past per quel chi doma,
Sco ais da vegl nan üsità.
Sur fö diversas chalderas,
E coppas sün maisa bain bleras.
5. Vezziand quiet l'inter comün,
Ingüna glieud allerta
E qua 'na port' averta,
Ascender füm sü dal chamin,
As risch' ün spiun sün porta —
E Donna Lup' ais zuond smorta.
6. „Perche, o di'm, tant preparar?"
Subit el uoss s'indrescha.
La donna svelt s'animescha,
Responda pront, sainza stügiar:
„Que ais pels Grischs la marenda,
„Quals vegnan con forza orrenda."
7. Ed il.s spiuns, tuot spaventats,
Retuornan pro l'armada.
Ma aint pro la raspada
La donna và, dà part dals fats,
E tuot chi con granda prescha
Con spadas, üsaglias s'armescha;
8. E dand davo al inimi
II mettan alla mütscha
Con cuorta scaramütscha,
E pü da tschient il spiert dan sü.
Chafuol aint pel god d'Aguella
Blers vezzan pür la bella.
9. II banderal della città
Da Hall laschet la vita
Eir nella grand' sconfitta,
Ed il stendard füt conquistà.
Per sia acziun perfida
Surgnit sa paj' eir la guida.
10. Ils vintschiturs, turnand a chà,
Ingrazian al creader,
AI pussant perchürader,
II qual darcho ils hà salvà.
Lur fadias non füttan invanas,
Sgür sun d'orinvi lur chamannas.
S. Schner 1907