Poesias (Disch)/13
 |
Questo testo è incompleto. | |
Gion Disch - Poesias (1913)
Il signun
| ◄ | 12 | 14 | ► |
Il signun.
Il signun dell' alp Soliva
Stat sil tgiembel vi sur tegia.
Sul quolm vi sezuolan neblas
Grevas stgiras. Ei camegia.
5 Il signun fa sontga crusch
Ed el aulza sia vusch:
Segner lai la montanera
Che ruaussa leu en stavel,
Preservada e bein schurmiada.
10 Tegn tiu sogn maun, sur muvel e pavel.
Sur mes purs e sul pastur,
O pertgir' els car Signur.
Sche retegn po la tempiasta,
La malaura maluordada
15 Cun pussonza e cun fermezia,
Tegn a mistregn la nauscha bargada,
Malvuglida de striegn
Ed il bov vi Lavaz tegn.