Poesias (Disch)/7

Questo testo è incompleto.

Gion Disch - Poesias (1913)

Comiau al battagliun novonta

Informazioni sulla fonte del testo

◄

6

8

►

Comiau al battagliun novonta.
Alla cocarda veglia
Salid d' in brav schuldau!
Tei hai jeu cun carezia
Biars dis ed onns portau.
5 Al battagliun novonta
In cordial comiau;
Ei ha fatg mal de prender
La numra giud miu tgau.
Marschaus cun tei strapazzas
10 Hai biaras varghentau,
Il Stätzerhorn, il Kintzig
Tonts quolms hai domognau.
Tras auas furibundas
Sur precipecis vi
15 Has ti mi dau curascha
De sbargatar tudi.
Ils numers clar terlischan
Dil tschacco sin nos tgaus,
Marscheian nus tras purlas
20 Tras lozzas ne cuflaus.
Sut il peisant tornister
Sil strapazzau schui,
Schischevan mias numeras
Ch' jeu vess portau dapli.
25 Il battagliun novonta
Mirei ils mats grischuns,
Quels mai negin stunclenta,
Els marschan a sparuns.
Cû nus giu la planira
30 Marschavan trals marcaus,
Miravan bialas giufnas
Bugien sils grischs schuldaus.
Cun rosas nus cuvrevan
Bials mauns dil tutafatg,
35 A tuts vid la cocarda
Tarlischa in bi matg.
Denton la pli carina,
La matta, miu tresor
Ell' ei sisum Surselva
40 Il scazi de miu cor.
Ell' ha ligiau la spada
Entuorn' il calun a mi,
Ed en siu det jeu mettel
Sco spusa in ani.
45 Las numeras de miu tschacco
Ha ella bein ornau
Cun ina negla cotschna
Schi loschamein fitau.
Ed jeu sin sia gaulta
50 Hai ina buna dau,
Da gust' e da curascha
Schizun chei ha barschau.
Perquei a mia biala
Fideivels vi restar,
55 Tier ella cun cor schuber
E prus vi jeu turnar.
El battagliun novonta
Ei quei princip restaus:
Fideivels alla patria,
60 Fideivels en tuts graus.“