Poesias (Pol)/Igl carneval
 |
Questo testo è incompleto. | |
| ◄ | Poesias (Pol) | Poesias (Pol) | ► |
3. Igl carneval.
1. Vol neir pi nar tgi en tgaval
Sulet u or an malgia
Schi ve' igl taimp da carneval
Angal chi an Italgia.
2. Saltems e bals dat er utro
Er veist gliout mascherada
Cunzond sch' igl vegn o allegro
Bargeda mesa nara.
3. Anstagls sunar en violin
Saltond lotiers an reia
Ramplungigl chi en tamburin
Cugl tgicatitgic sen veia.
4. Forsa creist prubabel da saltar
Cun legra giuvantetna
Te trompas ainten chest pausar
Blers en gio da ravetna.
5. Savens santiv' i' a pratger
Da prers et er da paders
Saltems duess ins tralascher
E Mascras e bavaders.
6. Oss sainta tge tgi ia va via
Chi agl paeis de Roma
Prubabel stast te bagn stupia
Giud' chest' istorgia loma.
7. Da Givgia grass' anturn mezdé
La mascherad' antscheva
'Na malgia 't paders von a pè
Allegherment da tschever.
8. Igls servitours digl cardinal
Totts sen tgavals da pompa
Scu 'gl delegat digl criminal
Totts an livreia gronda.
9. Pazenztga schi la gliout en nars
E fon la storgia ascra
Ma' gls sontgs parfign i fon neir nars
E von cun els an mascra.
10. Gl' amprem vo 'n pader cugl tgaval
Cun se en mat scu 'n anghel
Cun la bandira' t carneval
Furmada da treanghel.
11. Sen chegl vo' n bruder culla
crousch
Cun tscheira da canaglia.
Pansond agl vegn tgi usche dolsch
Siv' òl scu latg panaglia.
12. Seis omens portan a givi
Igl voct da sontg Antona
Orno anturn, anturn schi bi
Scu chel della Madona.
13. Seis oters portan s. Franzestg
Sen 'na bariera 'd tscheira.
E siva portigl en uestg
Tignond ena candeila.
14. Tenor igl rang tgi mintgign ò
Oss vign la cavalcada.
Bôt spert, bôt plang, uscheia vò
La carnevalisada.
15. Avant las clostras sa farmont
E tgas da signareia
Usche az vonigl praschantond
Pansè 'cun tge legreia.
16. Usche 'ns fò tschever chi da de
Da notg igl ball ò festa
Igls sontgs chels soltan tschert
betg ple
Schiglio 'gls duless la testa.
17. Ma tscherts carstgangs oz mascaros
A bratsch 'na schleta femna
Saltond anturn scu dasparos
Chegl veist chi tott chest emda.
18. Tge painsas te da chest paeis
Da sontgadat schi ascra
O! tgossas vignan a paleis
Pi nosch tgi sonters an mascra.
19. Igls sontgs e vocts sampon tschert betg
Chels en per regordenscha,
Ma igls raspetas migler betg,
Schi van' è la cardenscha.