Poesias (Pol)/Malfidevladat
 |
Questo testo è incompleto. | |
| ◄ | Poesias (Pol) | Poesias (Pol) | ► |
5. Malfidevladat.
1. Ainten lez' oura chiet maiestous
Digl taimp tgi la notg la dumang bôt saleida
Schi da l' amanta igl spirt serious
Avant igl peis digl amant no sa feida.
2. La vesta egual' la dumang digl Matg
Tgi tras las neivlas vign nò cun cletgezza.
Igl mang da gelgias tott freid e sblatg
Tign igl lanziel cun turbla chietezza.
3. Scu resplendesch' agl suglegl la dumang
La rosa cun larmas d' argent circumdada
La figlia darvont agl sies bitsch angal plang
Uscheia l' amanta an vest er' ornada.
4. „Sto se,“ ella dei „ord igl doltsch repos“
„L' amanta vign co tar igl mat malfidevel“
„Sto se, l' amanta at clom' anavos“
„Vol betg ple santeir girem nonvardevel.“
5. „Igls spirts affrontos turmaintan malscorts
„An chesta chieta, sgarschevla, surd' oura
„Ed a delinquents comparan igls morts
„Per igl lur turmaint giu tarmes da chel soura.
6. „Bragi' ena larma de neir tradimaint
„Egna agl manc giò no sen mia fossa
„Rendam alloura igl sontg giramaint
„Della carezza tgi te davas mossa.
7. „Fidevla amour am ast te ampurmess
„Ma betg te tignivas la sontg' ampurmessa
„En cor angulavas tg' a tè er' admess
„E te gl' bandunavas cun tirranga tschessa.
8. „Par me te tatez giò at levas veir strocsch
„E mè anganont, malfidevel, untgivas
„Te schevas igls lefs a tè seian schi docschs
„E pir cun freid glatsch els crudevel sblitgivas.
9. „Tgi gl' igl mia at plaia am ast te giro,
„Ed oss allas larmas mussavas la veia.
„Igl pover mies cor a tè ò confido,
„Allas tias larmas, a tia glisnereia.
10. Mies igl ossa turbel targlischa betg ple
„Turnond an repolvra an trest' freida tomba
„Anfignen tgi splunta lezz' alva digl de
„Noua tgi' m desda igl sung della tromba.
11. Giò tschivlan utschels, sa desda igl mond.
De si phantasi' igl maletg oss stulescha.
E sblatg e confus sa dolz' el tramblond
E vers igl santira el monta an prescha.
12. Ondond el se perd' an confus sentimaint
An desparaziung sella foss' el sa patta
Sell' erva d' la fossa el schea plagn turmaint
Suspeira e bragia e cloma la matta.
13. E treis gia el cloma an tung serious
E treis gia suspeiral ancreschadenscha
Co sen frestga fossa el schea misterious
Sies igl co sa steida per la renaschenscha.