Poesias (Solèr)/4
 |
Questo testo è incompleto. | |
Rest Antoni Solèr - Poesias (1913)
4
| ◄ | Poesias (Solèr) | Poesias (Solèr) | ► |
Las mattauns purilas.
En in bi vitg cun casas lenn
Leu essan nus naschidas;
En simpladat cun legher sen
Nus essan si carschidas;
5 Cun paun pelus, cun pen e latg
Nies bab e mumma han nus tratg.
Savein spatlar e bein filar
Ed essan er tissunzas;
Carpun, cadisch savein nus far
10 Ed essan er cusunzas;
Cun agen maun filau, tessiu;
Quei dat ge il pli bi vestgiu!
Sin praus e pradas prus luvrein
Mervegl e tard contenzas;
15 Ils èrs zerclein, il graun medein
Scudein, vanein semenzas;
Cun frina segal e salin
Fagein in paun gustus e fin.
En combra carn: spinals, schambuns,
20 Andutgels paradeschan,
Las crunas verdas spels barcuns
Neglèrs e matgs orneschan;
E vegn il temps de sespusar;
Als mats purils nos cors lein dar!