Poesias (Solèr)/5
 |
Questo testo è incompleto. | |
Rest Antoni Solèr - Poesias (1913)
5
| ◄ | Poesias (Solèr) | Poesias (Solèr) | ► |
Miu neglèr.
Il bi neglèr sin cruna verda
Ei miu pli grond divertiment;
… Las neglas alvas, cotschnas, brinas
Salidan mei cun ardiment
5 En lur colur schi noblas finas.
Cun neglas alvas e verdinas
Jeu fetschel prusamein in matg
E tschentel quel sin frestga fossa
De mi' amitga bein bufatg
10 Per schar flurir memoria nossa!
Cun neglas brinas denter cotschnas
E surgentadas borlas glin,
Jeu decoreschel las capialas
Ad ils fumegls ded alp mintgin
15 E quei levent' ad els faviala.
E cun las neglas las pli bialas
Jeu fetsch' in matg a miu muronz
Cun tutta bregia e legria;
El ei da quel complein vengonz,
20 El mai emblida vi la sia!