[p. 213 modifica]
Rösa da god,
Priva da spinas e püra da frod,
Norma dell’ot’Engiadina
Pü genuina!
5 Aintra cun fled
Viv nellas rimas da spelma la sted,
Sagliast cun fögl’e manzina
Our, o flurina!
Riast: „o tschert,
10 Plövgia colura mieu abit pü verd,
Glüsch e chalur pü rubina
Quaista vistina!“
„Rösas perquè,
Flammas d’amur, la compagna predschè
15 Stailas da püra delizia,
Fain amicizia!“
„Be da plaschair
Simil a vus, paradisic volair!
Be da plaschair a mieu Segner,
20 Chi po m’artegner?“
[p. 26] „Chauntan utschels
Innos da gloria nel god uschè bels,
Ura quiet’e prusina
Eir la flurina.“
25 „Temma nun he,
S-chim’e rimbomb’il torrent spera me;
Bap, scha mieu cour a te fida,
Sun custodida!“
„Scruoscha il tun,
30 Crouda la secta e sclera mieu trun:
L’orma, ch’il tschercha e chatta,
Dieu nun abbatta!“
Sfracha il vent
Ramma e tschep cun orca nic spavent,
35 Riast: „a svizzra battaglia
Quaista sumaglia!“
[p. 214 modifica]
Rump’il vadret
Sazi la scorza, chi lönch il stüfchet,
Riast: „haun ruot vilanias
40 Eir las trais lias!“
Güvlast: „eau sun
Libra in fat e na be in chanzun;
Libra, què rest’Engiadina
Scu la rösina!“
[p. 27] 45 „O, scha mieu cour
Co pü nun batta, nel ester eau mour!
Vita nun do la cuccagna,
Be la muntagna.“
„Cridast, mieu frer?
50 O, schi retuorna dal plaun e dal mer!
Tuorna in bratsch a chi t’ama,
Cuorr’alla mamma!
Rösa da god.
Priva da spinas e püra da frod,
55 Norma dell’ot’Engiadina
Pü genuina! —
Questo testo fa parte della raccolta Rätoromanische chrestomathie