Poesias sursilvanas/12
 |
Questo testo è incompleto. | |
Alphons Tuor - Poesias sursilvanas (1898)
Memia tard!
| ◄ | 11 | 13 | ► |
Memia tard!
„Nur noch eine kleine Strecke"
Mo in pign tschancun stoi ira
Per passar atras miu vitg,
Sundel staus en tiaras jastras,
Buca viu el schon daditg.
5 Stundel ussa per en casa
Tier mes cars puspei intrar,
Mo tgei trestas novas stoiel
Sin la sava schon tadlar!
„Tuts tes cars ein sin senteri,
10 Tuts ruaussan sut il tratsch!“
Tuts mes cars? O tgei sventira
Per mei sventirau pupratsch!
Tgei dei far uss cheu sin tiara
Tut persuls e bandunaus?
15 O havess jeu sin senteri
Schon enflau sper els ruaus!