Poesie friulane/Timps di pâs/Mi plâs la lontananze e il no rivà
 |
Questo testo è completo. | |
| ◄ | Timps di pâs | Timps di pâs - Primavère ledróse | ► |
Mi plâs la lontananze e il no rivà...
Tant nol slûs il soréli, e i flórs di primevère
no nulin tant di bòn, còme che s’impensìn
in siùm, tes gnòts di unviàr, fra il lung svintà de buère,
sòt la plóe che çhante pes gòrnis, sènze fin.
E ce vino di fà?
Mi plâs la lontananze e il no rivà!
L’istâd, in scur di lune, sul colà de rosade,
spassìzin pai stradóns, dòi a dòi, i morôs.
Olmi sòt un feràl une gran çhaveade,
un pâr di vói che brusin, curiôs, seneôs....
E dòpo?.... Lassìn stà!
Mi plâs la lontananze e il no rivà!
A dile propri sclète, ògni dì che va vie
sai manco s’al è miéj insumiassi o veglà,
se val tignissi al ròst, o al fum, o a mezarìe....
Di bòn, a chèl ch’ ’o sint, che insòmp dal strolegà,
Di’ ’uèli cun ritàrd,
pâr ch’al séti sigùr il pònt de muàrt.