Poesie inedite (Della Porta)/La Novena di Natale
 |
Questo testo è completo. | |
| ◄ | Poesie inedite | La velàngela di San Micchele | ► |
I
Iere a lu jurne, dope ventun’ure,
stav’accante a lu foche e tenè’ ’mmente
verse lu balecòne, a la nenguente
4che ’ncavezàve. Chelu cele scure,
la vocia cupe de la ciuminire,
mi stave a mette’ na malinconïe,
quande da parte fore, da la vïe,
8cuminzive a sinti’ ca jave ’ngire
nu sone. — È nu sone o nu lamente?! —
Addusilive bbone, ma cchiù stave
cchiù chelu sone mi s’avvicinave.
12Si sone?! È lu vere ca la ggente
II
è pazze! — Ma la citele, Landine,
che stave ’nche lu nase appiccicate
’nfacce a lu vetre, scrocche na risate
16e zumpenne mi fa: È la scupine! —
Lu scupinare! N’àvetra nuvene!...
Quattordici... dumane... Zi’ Pasquale
porte le Santarille di Natale...
20Mi sintivi nzucchè dentr’a le vene!
Tu diciarisse: mo’ pe’ na sciucchezze
di quisse ti ci chegne di culore?! —
None mannagge! ca tenche nu core
24quajàte e sfatte gnì na pera mezze
III
che nen si fide cchiù manche a rispunne’.
Ma ci stà’ certe cose gnì li grappe,
pizzùte, a ciancanille, che t’acchiappe
28lu core e te le porte a n’atru munne.
Nci vu’ nïente: na canzone antiche,
nu passere gnilite che si lagne,
na prima neve ’ncime a la muntagne,
32na rènele!... Perciò quante ti diche
ca jere tra lu foche e la nenguente.
di bbotte, a l’impruvvise, la scupine
mi fece fa’ la pelle di galline,
36m’aveta crede’. Che cos’è? Nïente!
IV
Se cia ripinze ci ti mitte a ride’:
na cose che s’abbotte e nu cannelle,
fa na sonata sole, sempre quelle,
40e proprie quelle, quande mà ti cride,
ti sfonne ’npette e fà tremà’ lu core!
E jere mi vidive sfilà’ ’nnanze
lu cele verde de la citelanze
44’nche le sellùstre di lu prim’amore!
E m’arivenne a ’mmente a poche a poche
la casarelle antiche, la cucine,
lu ticchie, lampejate di cchiappine,
48’ddore di ’ncenze!... E atturne a chelu foche
V
cia rividìve tutte chela ggente,
’nche na lumucce a ojje, certe sere,
a leggere e spieà lu Barbanere
52e a conteggià’ la lune e la nenguente.
E chele facce?! Senza na mahagne,
rusce di cuntentezze e di calore,
cchiù si ’nfucàve verse na cert’ore
56’nche vine nove e vrasce di castagne!
E a nu mumente mi parì perfine
di risentì’ la voce e lu cirrije
di Tate, Mammaròsse, Zâ Conzije,
60le favulette di Zâ Catarine,
VI
la lamentire de’ lu ndruvarèlle,
fuse, rosarie, ’ndindalò di scianne
e la canzone de la ninna-nanne...
64E alloche mmezze ’nche na pipparelle,
Zì’ Ndree, lu cchiù ’struìte e cchiù basate.
parlave di govirne e di brihànde
sa rimpiagnè’ Francische e Ferdenande.
68sa rimpiagnè’ pur’isse lu passate!
«Ullère, ullère!...» Intante la scupine
mo si sentè’ cchiù forte e sempre ’guale.
Pinzive: s’è fermate zì’ Pasquale?
72Fàmmele j’a sentì’ cchiù da vicine.
VII
M’accapputtìve bbone e ’scive fore.
Nenguè! Na neva frolle e appiccicugne,
nu vente fredde che scoppave l’ugne!
76Vutìve a la ruville di Giancore.
a la piazzette stave zì’ Pasquale:
na faccja rosce gni nu rafanelle,
scapille, avè’ pusàte lu cappelle
80dacape a la zampugne. Le gambale
peluse, nu cappotte di suldate
vecchie, piene di bbusce e mezze gialle
se n’avè’ sciuvelàte da na spalle
84e jè tuccave ’nterre a l’atru late.
VIII
Strette vicin’a jsse, nu quatrare
’nche la bbarrette sotta lu ditelle
facè’ da prime nche la ciaramelle.
88Chï passave sentè’ lu scupinare
e si fermave, pò’ s’avvicinave;
j s’avè ’mpïte a torne e chela ggente
si stave alloche sotte a la nenguente.
92E zì’ Pasquale dàjje, chiù zuffiave,
zuffiave ’nche la vocche e ’nche lu core
e chelu sone mi parè ’nu cante:
«La notte di Natale è notta sante!».
96Di pruspette vidive ca zì’ Tore,
IX
lu scarpare, avè perte la vitrine,
nche la mantère ’nnanze aberrutate,
slava a sìntì, mezze ’ncantesimate.
100A la finestre Rose di Macrine
tramezze a lu spurtelle addoselàve.
Nu silenzie!... Cujète!... Chelu vente
di prime avè’ cessate e la nenguente,
104leggìre gni na nùvola, calave,
mentre sajè pe’ àrie da la vie
lu sone di zampogne, e a la zampogne
ja rispunnè’ la vocia crechelògne
108dell’acque de fonte e lu cirrije
X
di na morre di pàssere affilate
sott’a lu cornicione de la Chiese.
Che ci’ à messe lu miele de le Cese?
108pensave: che ci te, la ciucculate
dentre a chela vuscìche? È nu mistere!
Fa na sonata sole, sempre quelle!
Fa na sonata sole e sempre bbelle!
112Mannagge! Haje paùre ca stasere
m’abbracce zì’ Pasquale e... la scupine!
Écchete arrive ’Ndree, lu cantinire,
’nche nu vicàle ’mmane e ddù bicchire.
116Si fece nnanze, misurà lu vine
XI
e disse: «Avante! Vive zì’ Pasquale!
Trent’anne che ci sune ’sta nuvene
e da trent’anne ci vuleme bene!
120Tu sci nu cristiane sempre ’guale,
sempre ’nche su strumente e su curpette!»
Appresse venne pure Martarelle
di Nsigne ’nche nu piatte di crispelle.
124Ma zì’ Pasquale, nen jè dese rette;
’ngrambate a la zampogne, fece segne
gni quande vulè’ dire: nu mumente!...
E ne le sacce gnà je venne ’mmente,
128se fu, gna t’àjja dire?..., lu cuntegne
XII
o si trovà’ cunfuse dell’onore...
Chï t’à crijate! Nen cagnà lu sone?!
Fece na ’nciarmejate e che t’intòne?
132Nu tanghe: Dormi bella sul mio core.
E ci s’arimpustà, pe’ la miserie!
Si tritticàave, arifacè la mosse,
purtave la battute ’nche la cosse!
136Ariguardave atturne serie serie!
La gente si smovì. Se ne j une
e n’atre appresse, e gna s’alluntanave
la neva bianche e frolle arimmantave
140le pedate. Nci stave cchiù nisciune!
XIII
Zì’ Tore avè’ richiuse la vitrine
e sa risentè’ vatte’ lu martelle,
zâ Rose avè’ ’nserrate lu spurtelle!
144Mi sentive nu grìccel’a la schine,
ma ja rristive accante a core a core
pe’ dìrie: Zi Pasquà’, steme all’Abruzze!...
Lu campanone di vintiquattrore
148sonà tre stucche come tre sijuzze!