Poesie inedite (Della Porta)/La velàngela di San Micchele
 |
Questo testo è completo. | |
| ◄ | La Novena di Natale | Lu Pallune | ► |
I
Vajje a cumprà la carne a lu macelle:
— Pasquale, fa lu pese naturale,
Ni mm’arrubbà ca tu sci masanelle! —
4— A mme’ sti cose — arispunnè’ Pasquale —
La velàngela me’ è come quelle
di San Micchele, spiccicate, uguale! —
Vajje a cumprà la paste, lu tritelle,
8sempre la stessa cosa tale e quale:
la grasce, San Micchele, la justizie...
La vajje a ripisà, quelle di cente
11a male pena ne facè’ cinquante;
e j’ pinsave: vularré lu sfizie
de cunusce’ ’stu sante e ’stu parente
14che prutegge li ladre e li brihante!
II
Quande me di’ curele Palmanere
pe’ na parole che me custà care,
lu Pretore a sentì lu piagnistere
18ma riguardave ’nche na facce amare
gni quande vulè dire: je’ lu vere
tu ’hî ragione, sci parlate chiare,
ma la giustizie, amiche’, è n’âtr’affare!
22E m’appiuppà tre misce de galere...
Gna scive fore ’nnanze a la Preture
e mojeme sentì chela notizie
25se mittì piagne gni na criature:
— Tre misce, mare mè, pe’ na curele,
na chiacchiere... A ’stu munne la justizie
28Une le fa: se chiame San Micchele! —
III
— Fije de Criste, dicive a Catarine,
ma allora ci aja credere a ’stu sante!
A che chiese s’adore, sta vicine,
32ci si va ppede oppure sta distante??
L’addummannive a Minche, a Berardine.
a lu mahone, a padre Pulemante,
e tutte quante me dicè ca scine,
36ca lu sante ce stave e funzionante.
Mi si mettì nu chiove, nu penzire
de quille ca t’angustie notte sane.
39E me le ’mmagginave — c’aja dire —
nu sante vecchie, nu San Caitane,
nu San Giuseppe, ’Nto’, ’nche na statire
42gni chele guardie fore la dugane.
IV
Ma na matine, l’âtra settemane,
’mmezza a la piazze se jettà lu bande:
— Se va ’n pellegrinagge a lu Gargane,
46pe’ San Micchele ce sta festa grande:
fuoche, cuccagne, riffe, quattre bbande!
Chi vo’ venì s’ha da truvà dumane
rimpette a lu cafè de Colasande
50all’autobusse de lu casulane.
A sentirle, Francì, gni na sajette
me mettive a scappà pe’ la salite;
53jve alla case, aprive lu cascette,
cappotte nove, scarpe arepulite;
ddù fiure, na mazze e na bbarrette.
56E me partive all’ora stabbilite.
V
Quand’arrevamme alloche, la matine.
giramme sotte a sopre lu paese,
ma nen putemme ’ndrà dentre la chiese,
60tanta la folle de li pellegrine.
Aremanemme fore a coccia stese
ritte ’mpalate sopra li scaline;
e le campane da lu campanine
64ddaje a sunà, ddaje a sunà a distese.
Me sfilà ’nnanze chi sa quanta gente:
congreghe, ’ntorce, vergenelle, bbande...
67— Avisse viste ch’accumpagnamente: —
Conche de grane, li stannarde avante! —
Ma a me, Francì, nen m’empurtave niente:
70j’ stave alloche p’aspettà lu Sante!
VI
Eccule, finalmente, cumparisce!
Quâ sante vecchie, quâ San Caitane...:
nu giuvinotte ’nche na faccia lisce
74vestite ca paré nu capitane:
na bustine d’argente fatte a strisce,
n’elme ca luccecave da luntane...
Se la memorie mo nun me tradisce,
78che je mancave, ’Nto’? Lu tascapane!
A na mane tenè nu velangine
e a n’âvetra purtava na friselle
81de sciabbole — cumpà, che spadaccine! —
gni quande vulé dire: amice bbelle
a chi a lu pese fa lu malandrine
84i’ nen pazzije, je cacce le vedelle!
VII
Cussù è isse! Vì che cosa fine!
Difatte, gna lu sante cammenave
la frange je facè’ da ballarine,
88lu cimiere d’argente se girare,
le cuppetèlle ’nche le catenine
zumpave, se smuvè’, se dilazzave.
ma la lancette de lu velangine
92’mpustate ’n mezze nun si tritticave.
Scia benedette Die che t’ha crijate,
facce de rose, senza na malizie!
95— Cumenzive a strillà gni nu dannate —
Faceteme passà, voje lu sfizie,
de vederle vicine, scia ludate
98l’Arcangele: lu Re de la Justizie!
VIII
Quande alla fine de la prugessiune,
lu sante belle, da li pellegrine,
fu messe ’nterre, sopra li scaline,
102j’ ci arrivive a lingua strascinune.
Vascive tutte quante li matune,
lu piedestalle. l’ore, lu spadine;
j’appennive a le ’recchie lì ricchîne
106de mamme, pe’ lassà ’na devuziune...
Ma quande jve p’allungà lu colle
pe’ vascià la velàngela affatate
109me sentive gelà lu sangue ’ncolle:
Francì, le sì ’nche mode la lencette
nin s’abbuccave da nisciune late?
112Stave ’nchiuvate ’nche na scrufulette!