Primulas/10
 |
Questo testo è completo. | |
| ◄ | 9 | 11 | ► |
Crestomazia Retoromontscha VIII 
di Caspar Decurtins (1907)
Questo testo fa parte della raccolta Rätoromanische chrestomathie
| [p. 36] | Sül cunfin. |
Da la Norbertshöhe sur Danuder Austria.
Qua pro l’extrem cunfin, sün l’ur del god
Ingio ’l stradun vers eistra terra ’s volva,
Eu ’m ferm guardond, sco chi foss massa bod,
Da tor cumgiá il cor nun as risolva.
5 Cun ils ögls cregns am ferm qua at guardar
O quieta val sclerida da la glüna;
L’imaigna tia vögl in mai gravar
Cha sün meis ir ell’am cumpogn’adüna.
Cun tai eu lasch blers sömis suriaints,
10 Del temp passà l’ota ventür’interna,
Meis cor sçharpond hoz quels lioms possaints
Porta cun sai increschantüm eterna.
Eir schi am sarà dat ün di luntan
Qua da tuornar in taschantond ma brama,
15 Las novas spranzas chi ’m atiraran
Vers tai ma val, o amuraivla mamma.
Na ’m pon ma render quai cha hoz d’intuorn
As saint il cor e greiv per quai ’s separa;
E nel calsch dad algrezia del rituorn
20 Quist pissêr crodarà sco larm’amara.
1887