Prose e poesie bellunesi 2009/Te pùole conprà

Da Wikisource.
Jump to navigation Jump to search
Massimo Mosena Noni

Te pùole conprà ../27 ../29 IncludiIntestazione 28 febbraio 2016 50% Da definire

27 29

MASSIMO MOSENA NONI (1966)


Te pùole conprà.

Te pùole conprà i telefonin,
par te contà robe già dite,
par te mandà messagi già scrit,
o par dugà matez già dugai.

Te pùole conprà anca i conputer,
par te serà da sool inte na canea,
e cognosse così an grum de amighi,
senza al pericol di incontrà mai.

Te pùole conprà i televisoor,
decoder, parabole e tante boiade,
che i te fà vede an mondo a colori,
intaant che la vita la é in bianc e negre.

No te pùole conprà an puoc de respeet,
an sin de creanza e de amoor par chi autre,
e la speranza che an di la sie meio.

Parchè de ste robe ormai no te n cate,
l é duti articoi passai già de moda,
forsi parchè che i no costa gnia.

(Zoldo)