Prose e poesie bellunesi 2010/Ni decuà, voi delà

Da Wikisource.
Jump to navigation Jump to search
Massimo Mosena Noni

Ni decuà, voi delà ../15 ../17 IncludiIntestazione 8 agosto 2015 25% Da definire

15 17


MASSIMO MOSENA NONI (1966)

Ni decuà, voi delà

(Spiele ohne Grenzen).


I confin i no n é pi,
e l Europa l é realtà,
ma però me paar a mi,
noi decuà e voi delà.

I Ladin de serie A,
che i é là, voi delà.
I Ladin de serie B,
che i é cuà, insieme a mi.

Al turismo l é daidà,
ma che brai voi delà,
cuà bisogna se rangià,
pùore caign noi decuà.
 
Se volè tegnì bestiam,
i ve dà na bona man,
ma le bestie noi decuà
aon dovù se le magnà.

I tosat che se marida,
i à la casa garantida,
e chi che se la fà cuà,
mai i no se la pagarà.

Se i schei i no và là,
al tralicio al sautarà,
ma se schei no n é cuà,
dovon dì par carità.

Scheisse Walschen, Italiener,
pò però i no se dà pena,
e i schei los von Rom,
i và ben, anzi benon!

Inte al mondo se à vedù,
i à abolì la schiavitù,
ma i taliaign i stà a Shangai,
da voi resta l apartheid.

Tante mine inte al bar,
coi amighi, noi decuà,
e le bonbe che a copà,
Ein Tritol, voi de là.

I ne conta chi che sà,
giustizia an dì sarà,
e saron in serie A
anca noi che sion decuà.

Par mi inveze che no sài,
chel dì al no sarà mai,
e se forsi al lugarà,
saron già inte l aldelà!

(Zoldo)