Quant che mi sint al cûr malincunie

Questo testo è completo.

Gabriele Paciani

XVIII secolo

Informazioni sulla fonte del testo

Quant che mi sint al cûr malincunie,
iò ciol lu flaut in man par divertimi,
iò suni qualchi ariete o sinfonie,

des plui bielis che pues mai suvignimi.
Mi soven un biel ciant d’une mé amie
che in meste rime un dí fasè sintimi,
e imitanlu cul sun di rie in rie
come prisínt la cantarine iò stimi.

La vôs, il gest, il ciar oget prisint
mi sta in pinsîr, e in ché dolcezze ciare
sunant l’ariete un grant content iò sint.

Ma quant ch’o ài ben sunât, cu’ ment plui clare
iò viôt l’ingiàn e che ’l è un gioldi fint,
un dolz cu lasse in fin la bocie mare.