Rätoromanische chrestomathie X/P. Aaron Caratsch - Il Christiaun Catholic sül viadi vers l'eternità Coira, 1849/Oratiuns per las Vespras
Questo testo è completo. |
Oratiuns per las Vespras.
Ils seguaints Psalms sun compilats ora dal psalterio da David. I s’ha perquai cernü specialmaing quels texts dels s. psalms, ils quals contegnan il laud divin et ans rememorizeschan seriusamaing sin la buntà e misericordia, et ans animeschan quatras alla confidaunza et amur. Perquai sa dirà quels con grond frütt, specialmaing in dits da domengias o festas sott las Vespras o eir a chiasa.
Bab noss, Ave Maria e Credo etc.
V. Segner, riva mia bucca!
R. Afin chia lauda teis s. Nom.
V. O Dieu, attenda sün meis ajüd!
R. O Segner, ta festina da ma jüdar!
Gloria Patri etc. Sicut erat etc.
A tai, o Bab celestial, sia eterna laud, ringraziamaint e gloria, chia tü ans hasch [p. 159] vöglü dar teis chiar unigenit Figl. Non guardar sün mia indegnità, ossa bain sülla fatscha del medem, et hajasch misericordia da mai.
A tai, o etern Figl da Dieu! sia honur, laud e gloria, causa chia tü ans hasch mossats uschè gronda chiarità a nu povers pechiaders sacrifichiond tia propria vita per nu. Laud, ringraziamaint e gloria sia a tai, o Dieu Spiert sonch! chia tü hasch vöglü infonder l’amur da Jesu in noss cors; inflammescha damaja ils cors da totts cristiauns con quist’amur. — Illuminescham, acciò chia cognoscha Jesus da dì in dì plü bain. Inflammescham, acciò chia jau l’ama zelusamaing taunt löng chia viverà quà in terra, e possa in all’ura l’amar in ciel per tott’ l ’eternità. Amen.
Antiph. Honur sia a Tai, o ss. Trinità, tü saimper eguala et unica Divinità, sco tü eisch stata avaunt il principi dels seculs, uschè eisch eir ossa, e sarasch in etern.
Il prüm Psalm.
Laudai al Segner, pêrchià l’eis buntadaivel, e sia misericordia düra in etern.
Laudai al Dieu dels Dieus, perchia sia misericordia düra in etern.
Laudond vögli invocar il Segner, et el am delibrarà da meis inimis.
[p. 160] Jau al vö glorifichiar da tott meis cor, e vö publichiar tott sias miraveglias.
Perchia n’ha cognoschü chial Segner sia ün grond Segner, e chia noss Dieu sia sur da tottas ils Dieus.
El ha fatt tott quai chil ha complaschü taunt in ciel co in terra, e sott la terra.
El conserva tott tras sia grond’omnipotentia, et ordinescha tott sovainter sia divina voluntà.
A sia omnipotentia ingiün po contristar, et avaunt seis jüdici ingiün po sa nasconder. Gloria patri etc.
Antiphon. Honur sia a Tai, ss. Trinità, tü saimper eguala et unica Divinità, sco tü eisch statta avaunt il principi dels seculs, uschê eisch eir ossa, e sarasch in etern.
Antiph. Laud et eterna honur sia a Dieu Bab, et al Figl, al consolader il Spiert sonch, per tott l’eternità.
Il segond Psalm.
Jau ma vö sulevar, o meis Dieu e meis Raj, e vö benedir teis nom d’eternità in eternità; jau ta vö benedir minchia dì, e vö laudar teis nom da tott meis cor.
Siond tü, o Segner, eisch grond e fitsch laudabel, e tia grondezza non cognoscha confins.
Tottas generatiuns laudara(n)[u]n tias ovras, et annuntiaraun tia grond’omnipotentia.
[p. 161] Els laudaraun la grondeza da tia infinita sonchiatà, e quintaraun tias ovras miraviliusas.