Rime milanesi (Pertusati)/On Sonett anmò in onor de S. Andreja Avellin
 |
Questo testo è incompleto. | |
Francesco Pertusati - Rime milanesi (1817)
On Sonett anmò in onor de S. Andreja Avellin
| ◄ | Per la festa istessament de Sant'Andreja Avellin | Contra l'usanza de portà i man fognaa in di colzon. | ► |
On Sonett anmò in onor de S. ANDREJA AVELLIN.
- --
Senza fa parangon tra Sant e Sant,
Diroo che el Santo Pader Avellin
De bagaj anmò aserb, de piscinin,
In gener de vertù l’era on gigant.
De natural fogos, ma tant e tant
Piasever, dolz con tucc, on angerin
De puritaa, che ha mincionaa Ciappin,
Trionfand di sgualdrinn pù petulant.
Lù specc de caritaa... devott in cà,
DevottinGesa,lùdetucc i or
Umel, modest, obbedient al pà.
No voo innanz pù. Basann la maistaa,
Fiœuj, l’è pocch de che. Lù el protettor
Nol vœur da nun nicnt manch ch’ess inmitaa.