Ćiantia por Nanü gnüda scrita a Arco

Da Wikisource.
Jump to navigation Jump to search
ladino

Giovanni Irsara Ćiantia por Nanü gnüda scrita a Arco Intestazione 21 marzo 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Ciantia por Nannü gnüda scritta a Arco al prüm de scenä dl 1913 e sounada sö ai mittuns dl Tarinna in Pescol da so berba Don Giov. Irsara.


1.
Sö mittuns e fora d lett
Giö in stüa ma salted.
Cal ch’ à indos la bella braia
Dëur la lada colla tnaia.


2.
Mo laset dl’ aurela, fa npü bel
Zanza t’ sciampa pa viccel
S’ al è pa spo valgügn che scraia
Post pa sci s t’ fa tla braia.


3.
Os atri intant ciarem ma fit
E arconces do masa it
Incö, saveis, él pa Nannü
Porcàl n tomed ma no söl cü.


4.
Sön mi sciarot (favlò), che fat d’ faü
Se sonni sö segn val da nü
Se mʼteis madar bel os averda
Ad atri spo min val na merda. ‒


5.
Ciared mo ci ch’ al m’ à portè
Gesu Bambino in Nadè!
A os sel dai segn per bambonna
Imped na püccia bel torouna.


6.
Pipes, flasces, kefri, papes
De vigni sort, madar no sapes
E l plö bel m’ ai bel dè ia
Cal ne poi plö mnè in Badia.


7.
De te patüc neu a Pescol
Metel tla boccia, giö tl col
Al va pa giö tan bel saurì
Ch’ al s’ vegn pa finamai da ri.


8.
Scid spo fora insom la para
Scraiede giö a chi d’ Sosara
Ch’ ai vegn pa sö a s’ to l patüc
Denant ch’ al ciant l prüm galüc.


9.
Dls nusc n dei ma ciant e cinc
Da cogoré giön parincinc
Dals tra ing ia e ca per stüa
A ls rompì colla macciüa. ‒


10.
Co l’ eis pa spo col’ imparè?
Mass la uma brontoré?
O no no fascel ma gian
Spo s’ ol pa bun dar Siur Capplan.


11.
Fasced ligrazza al Bambin ‒
Ch’ è mort in crusc per nosta fin ‒
Coll’ imparè, coll’ ester prosc
O spo resteis pa blanc e rosc.


12.
Y Paternostri da doman
Disched ma sö dar bel e plan
E do cianna la coronna
Ing dar bells e dar bonna.


13.
I mittuns che disc pa gian
I Paternostri da doman
E pa benedis da Dî
Casc él chi ch’ mai che sa das dì.


14.
Mo mittuns, lasced ch’ i s’ disc
S’ oreis rove sön Parais:
Cianted a peink a d’ bi vicci
Mangies assà spo cascinci


15.
Scrigged da mat con chi agni
Godesla ma con chi vidi
Tomed datrai ing giö dna si
S’ oreis, ‒ podeis tomè t’ fisti


16.
Tirred dar alt spo i ciappi
Plö alt ch’ ai sciora i vicci
E riesla tan, ch’ stlopeis dal ri
Ha ha, hu hu, he he, hi hi.


17.
Scarzed la braia, ch’ al n mancia l fi
La uma po begn sla cusci
Porcal degügn ne sta a sciampi
Ch’ la cosa n vad mae n poi nia sci.


18.
Ci fossl spo a mné in aurí
chi ch’ ó savei düt cant da mi
Da chi ch’ an mess pa tres s’ aldí
Ch’ al è ma ai che po capì.


19.
Toffes i ciüf che s’ pé dar bi
Fasced ma düt ch’ fasceis saurí
Mangiö magari ing col badí
Porcal n massais pa no morí


20.
Casc düt, mittuns, nen è proibí
E n’ eis pa bria desundischdi;
Mo guai a os s’ fascheis dappie
Con cal ch’ an disc ‒ ch’ al è piccie ‒


pagina:191


21.
Dal piccié sciamped da san
Porgí ch’ al vegn pa dal malan
E casc s’ o tra giön funz dl’ infer ‒
Au ci crusc ‒ por uma e per.


22.
Se gnisses it a me ciaffé
De s’ orössi d’ bun caffé
D’ papes duces na gran banna
Bella colma, bella planna.


23.
E segn ade mittuns, mittans
Saltei ma it con trams ls mans
Tolessun ma d’ chi gran bocciuns
Audei s’ ai s’ ples begn chisc boccuns.


24.
Casc patüc ne tegn pa tan
Insöch’ i soni, insöch l pan
Porcal mangel ma bel atira
Ne ciaffeis no ria cira.


25.
Mo ö ‒ s’ al ns’ foss pa nia a scüsa
Fasced na burta burta müsa
E dei düt cant a osc porcel
Cal begn sl mangia pa bel snel.


26.
Porved ing os a scri in rima
Scid ian tiac a s’ do na lima
Spo snizlede e limede
Cal ch’ ös fat, a me spo mnede.


27.
Ticca, tocca, ticca toc!
A insö scisla bagn a floc
Ciantela sö a casta moda
Fasced ma sci da san la roda


28.
Iö slà contada, sl à ciantada
Sö la storia de casta lada
E ci che l berba s’ à pa dit
Vé pa plö che n te ri schit


29.
Segna arveder os mittuns!
Da dainsüda s’ odaruns
S’ i varasc da casta mia
Burta e ria marattia.


30.
Da dainsüda ch’ é tan bella ‒
Can ch’ tolleis pa fora d’ sella
Can ch’ I n’ á plö tan la toss
Ch’ i sun tl müs indo npü ross.


31.
Can ch’ soradl dá bun cialt
Ch’ la nei s’ é trata sö all’ alt
E’ ch’ l’ erba varda cresc da san
Sön cals pares e giön l plan.


32.
Can ch’ la uma sapa t’ urt
Tirra fora düt l’ burt
E ch’ an sant cal bun odur
Del pan frask, che chösc te fur.


33.
Can ch’ aldis l cuc ciantan
Chi picci agní sane scriggia gian
E d’ belles flus florasc ti prá ‒
Ing l berba spo gnará. ‒


34.
E gni vegni pa da san
Gnid ma incuntra dlun saltan
Dalla ligrazza spo pittuns
E trá tirruns d’ gran briuns.


35.
L pere, ci laorel segn?
Fescel legna, tail fegn?
E la uma do la soppa
Firla lin o firla stoppa?


36.
Orei ma bun, stimei atira
S’ orös avei npü d’ mainira
Ch’ ai n’ ai mai bria d’ to la röta
Zanza sös pa da pacöta.


37.
Casc ne disci pa ma iö
Iddí comana pa insö
A stime é osc debit
Mo eis pa spo ing gran mirit.


38.
Ch’ ai ns fesc mé d’ vanter chisc boccuns
Ch’ resteis dar sains e dar intuns
Ch’ gnis düig graign insöch te lersc
Da gran rames e bi stersc.


39.
Ch’ seis dar bogn da imparé
Cangalé spo da lauré
Chʼ seis dagnara da orei bun
Ch’ fasceis spo gian ing oraziun


40.
Ch’ roveis n dö sö alt in cil
Sönsom ‒ toc dlungia san Michil.
Casc düt s' augüra d' cör l berba
Ch' n á no baffi e no berba.