A les rodunderes

Da Wikisource.
Vai alla navigazione Vai alla ricerca
ladino

Angelo Trebo 1888 A les rodunderes Intestazione 16 marzo 2016 50% Da definire



A les rodunderes.


Os bi vicí sö tl' aria alalt,
olá jorëise pa tan snel?
Sogü jorëise te mia patria,
porcí che enló al é tan bel.

O essi ares ince iu!
Joré con os oressi ienn,
rodunt envers mia cara patria,
alegro tan y dlun' ciantenn.

Olach' al stá na vila,
con trepes reses sön sorá,
enló jorede ete,
enló la oma mia sará.

Portei ad ëra n bel salüt,
dijede che te n chinesc de
gnarái ince iu a ciasa.
I m' á dadio belo conforté.