Chanzuns Popularas Ladinas/42
 |
Questo testo è incompleto. | |
| ◄ | 41 | 43 | ► |
Nr. 42.
1. O Elvezia, libr’Elvezia,
Tü hast homens valorus,
Chi con spiert e con curaschi
T’mainan cha tü stast in flur,
2. Sii, chantain, cha ’l lod strasuna
A nos Dieu, chi bain ans duna,
Ed eir immortal’onur
A nos general Dufour.
3. Ochsenbein con grand curaschi
Ha savü zuond bain manar,
Cha noss inimis con temma
Han stovü zuond spert mütschar.
4. Noss confederats allura
Suot Freiburg fon arrivats;
Con lur armas, chi clingivan,
Fettan temm’a quels stinats.
5. Con pac batter gnittan oura
Officials e commandants,
Per ’s recomandar allura
A nos Rilliet Constant.
6. Qua allur’els impromettan
Darcheu sü sco frars da ’ls tour,
E tuots ofilcial8 acquia
Impromettan da bun cour.
7. A nos Ziegler lod al tocca,
Chi sül punt da Gislikon
Ils inimis ha miss in ruotta
Sco ün brav Napoleon.
8. Qua gnit oura Siegwart-Müller
Con seis Mejer vi del flauc,
Per rovar ün armistizi,
Per podair mütschar plü plan.
9. L’oberst Gmür non vlet conceder,
Dschand ch’els sajan traditurs,
Chi surmainan lur bun pövel
Con manzögnas da stupur.
10. Qua passetna tuots in prescha
Con tuots Gesslers e Jesuits;
In Italia nu’ ls pateschna,
Ma sun its fin ad Innsbruck.
11. Salis get in tuotta prescha
Davo Mejer e Siegwart,
Con seis gnif plajà con blassa,
Tü meritast, traditur.
12. Ils confederats allura
Sun rivats fin a Luzern,
Con banderas da victoria
Retschevüts sun con dalet.
13. Wilhelm Tell amo qui viva
Con la frizza aint in man,
Per s-chatschar ils Gesslers oura,
Chi non possan plü far dan.
14. Viva nossa grand’dieta,
Chi savet tant bain manar,
Cha eir l’ester recognuoscha,
Cha lur agir sia da lodar.
15. Vögl finir ma chanzunetta
Con ingraziamaint da cour
Vers nos Dieu da tuotta grazia
Ed al general Dufour.