Ciöf de flus de munt
 |
Questo testo è da formattare. | |
Ciöf de flus de munt.
De flus de munt en ciöf ôi fá.
Tan bel chʼ al vën an odará!
Tamez mëti en bel sanví,
co á le popo prësc daurí.
Encería mëti edlbais
y danterete erenprais.
De düć chisc dui corusc adöm
le plü se vën le blanch y bröm,
dô chisc arcunci ciöf bi zinć,
de chisc le ennom è paroncinć.
Y dlungiaía liëi entoronn
de entrames sorts le ciöf dal tonn.
I prêi ne poi mo desmonćé,
laprò chi mëssi inće lié.
Milándores a trec i plej,
parüda inće chëres fej.
Confolia, tè te mëti tlò,
y nágoles dal crëp laprò.
San Jan dá inće ca söes flus,
co crësc adora encër chi trus.
San Pire emprësta ca söes tles,
de chëres tol la mí les ês.
Y os i dëis al ciöf onú,
ferghissmainniht con osc corú.
Y spaich, sön munt alalt coü,
arcunci ete bel monü.
Encër le ciöf śën mëti fëies prò
y cioli adöm spo a dedô.
A chê cösc ciöf è destiné,
vignönn se po ponsé.