Ciantia dal möt vedl

Da Wikisource.
Jump to navigation Jump to search
ladino

Jan Willeit C Ciantia dal möt vedl Intestazione 25 marzo 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Ciantia dal möt vedl.

En iade chʼ i jéa bel su por en tru,
ten iade odéi na flu dlungia tru,
y tantes chʼ al nʼ ea de vigne corú,
y dötes sʼ oscea pro me cuntra tru.

La mia mʼ an odéa ciamó tan de bì,
mo ara dijéa tö lasste mo dí,
mo che te tʼ an vai y no mo gní plü,
spo iú bradlai ben der de sogü.

En nʼ ater dé apena loé
i edli chi ai ben tan da bradlé
i ponsáa ci dlai che chel sarà sté,
ci osste chʼ i fesci sen messi resté.

Spo metti mefo man da fa le möt vedl,
fraat sun-se tan, spo stai mefo a sorédl,
spo el mefo da düc cösc p... de vedl,
se chéi mefo fora bel bindecé ʼn piédl.

Spo stai mefo da domán sonté sö na taia
bel sonza gosté y mo cunci la braia
y da mo laldé el gonot ön co saia
odéise mo sen le mon ensciö paia.

Jon chʼ an chʼ i ea ince iú
desco tö alegro chʼ i ea fascéi incʼ iú
ensciö, mo tan de vari ne fesci mo plü,
sen can chʼ i vai sen ciapi sogü.

Spo sun-se mefo da düc sbaufé sciöco ʼn lú,
sci ess albü en chittl sce fossal ste miú,
ensciö fesci mefo tan chʼ i mo perdi lʼ aunú,
odéise mo tan chʼ ara engiana la flu!