Compendio biblico in lingua genovese/Chì se contèm como li figij d'Issael nassèm de li XII figij che ave Iacob
Questo testo è completo. |
◄ | Chì se contèm como lo segnor Dee disse a Ioxue che o menasse in terra de promissiom lo povo | Chì se contèm como Samaul proffeta romaze sorve lo povo d'Issael e como e vossem ree | ► |
Chì se contèm como li figij d'Issael nassèm de li XII figij che ave Iacob.
Iacob ave um figio chi ave nome Iuda, e questo fo mao in la generaciom inpersochè l'ave lo mao re questo. Iuda ave doi figij de soa mogié chi ave nome Tamar e li soi figij avem nome Fares e Razarcon. Fares ave um figio chi ave nome Efrem, e questo Efrem ave um figio chi ave nome Aron. Aron ave um figio chi ave nome Aminadab, e questo Aminadab fo cugnao de li figij d'Issael quando elli inssìm de Egito. E stagando in lo dezerto o l'ave um figio chi ave nome Saramon. E questo Saramon ave per mogié la figia de lo re de Gerico e ave um figio chi ave nome Beoz. E questo Beoz preize per mogié Rebem, e questa Rebem ave um figio chi ave nome Uber. E Uber ave um figio chi ave nome Iexe, e si fo paire de Davit, lo qua fo re sorve lo povo d'Issael, cossì como voi porei odí. Voi avei odío de sorva como, dapoi la morte de Moizes, si fo sorve lo povo d'Issael Ioxue chi li menà in terra de promissiom, e dapoi che Ioxue fo morto, depoí lo tenpo, si romazem li figij d'Issael in vertue de Samaul proffeta, e in questo tenpo si fo eleto Saul per ree de li Zué, como voi odirei apresso.