Compendio biblico in lingua genovese/Chì se contèm como lo oiteña fiá che lo nostro segnor Dee mandà Moizes a lo re faraom e fo lo segná de le tenpeste

Da Wikisource.
Chì se contèm como lo oiteña fiá che lo nostro segnor Dee mandà Moizes a lo re faraom e fo lo segná de le tenpeste

../Chì se contèm como la setima fiá che lo nostro segnor Dee mandà Moizes a lo re faraom e fo lo segná de le nassense ../Chì se contèm como la noveña fiá lo nostro segnor Dee disse a Moizes e a faraom e fe lo segná de le mamalove e aragoste e limasse IncludiIntestazione 28 marzo 2014 75% Da definire

Chì se contèm como lo oiteña fiá che lo nostro segnor Dee mandà Moizes a lo re faraom e fo lo segná de le tenpeste
Chì se contèm como la setima fiá che lo nostro segnor Dee mandà Moizes a lo re faraom e fo lo segná de le nassense Chì se contèm como la noveña fiá lo nostro segnor Dee disse a Moizes e a faraom e fe lo segná de le mamalove e aragoste e limasse

[p. 18 modifica]

Chì se contèm como lo oiteña fiá che lo nostro segnor Dee mandà Moizes a lo re faraom e fo lo segná de le tenpeste.


D
isse lo nostro segnor Dee a Moizes e Aron: "Levaive da mati[sic] e andaivene a faraom e dige da mea parte che: O te manda a dí lo nostro segnor Dee d'Issael che tu lassi andà lo so povo a sacriffichá in lo dezerto, e se ti non lo farai, o farà vegní si grade[sic] tenpesta sorve la toa terra e sorve lo to povo che goai a quelli chi se lasseram trová a descoverto, e ancora, persochè tuto lo povo non lo vorà lassá andá, e si ge manderò tante penne che mai non ne fo tainte in Egito. E ti Moizes, dapoi dirai a li figij d'Issael che elli degem recoge le lor bestie a coverto persochè tute quelle chi saram a descoverto si morram per la tenpesta, e ancora, a quelle bestie de li Egiciem chi daram fe a le mee parolle e recogeram le lor bestie, e si le scanperam, e tuti quelli chi non daram fe a le mee parolle, si le perderam, persochè e manderò tai lanpi e tae tenpesta in Egito che mai non ne fo visto una ta. E li lanpi saram tanto teribilli, e si veiram so che e farò, che faraom con tuta la soa gente se ne spaventeram a morte". Or quando Moizes ave inteizo lo nostro segnor Dee, si se partì la mati e ze a lo re faraom e si ge fe lo comandamento de lo nostro segnor Dee, che ello devesse lassá andá lo so povo, ma faraom era tanto indurao che ello non l'aprexava niente. E lantora lo nostro segnor Dee si mandà la tenpesta per tar mainera che mai per nisum tenpo non ne fo visto la semegeive. E quando faraom vi quella ta tenpesta, si mandà per Moizes e per Aron, e si ge disse: "O pá ben che lo to Dee e drito e iusto, persochè noi non vogiamo obei li soi comandamenti, e persò o n'a maramenti pagai, ma prega lo to Dee che o ne leve questa pestelencia e si laserò andá lo so povo unde ge piaxerà". E lantora Moizes levà le maim a cel e pregà lo nostro segnor Dee che ello levasse quella pestelencia, e incontenente la tenpesta sesà. Or quella tenpesta fo si grande [p. 19 modifica]e si ardua, che tuto so che a trovà a descoverto si ocize e guastà, e si non lassà erbori ni atra cossa chi non fosse destruta. E tuto lo lin e l'ordio, chi era za grande, fo tuto goasto, ma le atre semensse chi eram tagie', non se goastàm. Or quando faraum[sic] vi quella teribilite' de tenpo e de tenpesta chi era levà de sorva ello e de sorva lo so povo, non vosse atende so ch'e l'avea inpromisso a Moizes, tanto era indurao lo so cor e non vosse lasá andá lo povo de Isaell.