Cudesch civil svizzer/Introducziun

Da Wikisource.
Jump to navigation Jump to search
Disposizioni sulla legge in generale

../ ../Emprima part IncludiIntestazione 24 giugno 2013 25% Da definire

Cudesch civil svizzer Emprima part

Introducziun

Emprima part: Il dretg da persunas

Segunda part: Il dretg da famiglia

Terza part: Il dretg d’ierta

Quarta part: Ils dretgs reals

Titel final: Disposiziuns davart l’applicaziun e davart l’introducziun dal Cudesch civil

Text da las anteriuras disposiziuns dal sisavel titel

1 Cudesch civil svizzer dals 10 da december 1907 (stadi dal 1. da schaner 2013) Attenziun: Las midadas per il 01.7.2013 n’èn betg anc integradas (AS 2013 1035) L’Assamblea federala da la Confederaziun svizra, sa basond sin l’art. 64 da la Constituziun federala1,

2 suenter avair gì invista d’ina missiva dal Cussegl federal dals 28 da matg 19043, concluda:

Introducziun

Art. 1

1 La lescha vegn applitgada per tut las dumondas giuridicas, a las qualas il text u l’interpretaziun d’ina da sias disposiziuns po sa referir.

2 Sche la lescha na cuntegna betg ina disposiziun legala, duai il derschader4 decider tenor il dretg da disa e – nua che er in tal manca – tenor la regla ch’el fixass sco legislatur.

3 El suonda en quest connex la scienza giuridica e la giurisprudenza approvada.

Art. 2 1 Mintgin sto agir en buna fai faschond valair ses dretgs ed ademplind sias obligaziuns.

2 L’abus evident d’in dretg na vegn betg protegì da la lescha.

Art. 3 1 Sche la lescha fa dependent l’effect giuridic da la buna fai d’ina persuna, vegn quella presumada.

2 Tgi che n’avess betg pudì agir en buna fai, sch’el fiss stà attent en la dimensiun che las circumstanzas permettevan, n’ha betg il dretg da sa referir a la buna fai.

Art. 4 Il derschader sto decider tenor dretg e giustia, sche la lescha al permetta da giuditgar tenor ses appreziar u al prescriva da tegnair quint da las circumstanzas u da motivs relevants.

Art. 5

1 Ils chantuns èn autorisads da decretar u d’abolir disposiziuns dal dretg civil, uschenavant ch’il dretg federal resalva quai al dretg chantunal.

2 Nua che la lescha renviescha a la pratica u a l’isanza locala, vala il dretg chantunal vertent sco expressiun da quellas, uschè ditg ch’ina pratica divergenta n’è betg cumprovada.

Art. 6

1 Il dretg civil federal na limitescha betg las cumpetenzas dals chantuns concernent lur dretg public.

2 Entaifer ils limits da lur suveranitad pon ils chantuns restrenscher u scumandar il traffic cun tschertas spezias da chaussas u declerar nunvalaivels ils acts giuridics che sa refereschan a talas chaussas.

Art. 7

Las disposiziuns generalas dal Dretg d’obligaziuns6 davart la conclusiun, davart l’adempliment e davart l’aboliziun da contracts vegnan er applitgadas per autras relaziuns da dretg civil.

Art. 8

Nua che la lescha na dispona betg autramain, sto mintgin che vul deducir ses dretgs d’in fatg pretendì, cumprovar l’existenza da quel.

Art. 9 1 Registers e documents publics cumprovan cumplainamain ils fatgs ch’els attestan, uschè ditg che l’incorrectadad da lur cuntegn n’è betg cumprovada.

2 Questa cumprova n’è betg liada vi d’ina furma speziala.

Art. 10 7