Cumplettaziun dal Cudesch civil svizzer/2/contract da deposit

Da Wikisource.
Jump to navigation Jump to search
../assegnaziun

../garanzia IncludiIntestazione 29 giugno 2013 25% Da definire

2 - assegnaziun 2 - garanzia

Deschnovavel titel: Il contract da deposit

Art. 472

1 Cun il contract da deposit s’oblighescha il conservader da surpigliar e da conservar en in lieu segir ina chaussa movibla che vegn confidada ad el dal depositur.

2 Ina indemnisaziun po el pretender mo, sch’ina tala è vegnida fixada explicitamain u ha pudì vegnir spetgada tenor las circumstanzas. Art. 473

1 Il depositur è responsabel vers il conservader per las expensas necessarias ch’èn colliadas cun l’adempliment dal contract.

2 El è responsabel per il donn che vegn chaschunà al conservader tras il deposit, nun ch’el possia cumprovar ch’il donn saja capità senza la minima culpa da sia vart. 225 Integrà tenor la cifra 3 da l’agiunta a la LF davart las vaglias contabilisadas dals 3 d’october 2008, en vigur dapi il 1. d’october 2009 (CULF 2009 3577; Fegl uffizial federal 2006 9315) C. Revocaziun D. Assegnaziun en cas da vaglias A. Il deposit en general I. Noziun II. Obligaziuns dal depositurDretg d’obligaziuns 180 220

Art. 474

1 Il conservader na dastga betg duvrar la chaussa senza il consentiment dal depositur.

2 Cas cuntrari debitescha el al depositur ina indemnisaziun correspundenta ed è er responsabel per la casualitad, nun ch’el possia cumprovar che la casualitad avess tutgà la chaussa er sch’el avess observà il scumond.

Art. 475

1 Il depositur po pretender enavos da tut temp la chaussa depositada plus in eventual augment, e quai er sch’igl è stà concludì in tschert temp per la conservaziun.

2 El ha dentant d’indemnisar al conservader las expensas che quel ha fatg resguardond il temp concludì.

Art. 476

1 Il conservader po restituir la chaussa depositada avant la scadenza dal temp concludì mo, sche circumstanzas nunprevisas impedeschan el da conservar pli ditg la chaussa en moda segira u senza in agen dischavantatg. 2 Sch’i n’è betg vegnì fixà in temp da conservaziun, po il conservader restituir la chaussa da tut temp.

Art. 477

La chaussa depositada sto vegnir restituida sin donn e cust dal depositur al lieu, nua ch’ella è stada conservada.

Art. 478

Sche pliras persunas han survegnì cuminaivlamain la chaussa per la conservar, èn ellas responsablas en moda solidarica.

Art. 479

1 Sch’ina terza persuna fa valair la proprietad vi da la chaussa depositada, è il conservader tuttina obligà da restituir la chaussa al depositur, nun ch’ella saja sequestrada giudizialmain u ch’i saja vegnì purtà in plant da proprietad cunter el. 2 El ha d’infurmar immediatamain il depositur davart quests impediments. III. Obligaziuns dal conservader 1. Scumond da duvrar la chaussa depositada 2. Restituziun a. Dretg dal depositur b. Dretgs dal conservader c. Lieu da la restituziun 3. Responsabladad da plirs conservaturs 4. Pretensiuns da proprietad da terzas persunas Lescha federala davart la cumplettaziun dal Cudesch civil svizzer 181 220

Art. 480

Sche pliras persunas han deposità ina chaussa, da la quala las relaziuns giuridicas èn dispitaivlas u nuncleras, tar ina terza persuna (il sequestratur) per segirar lur pretensiuns, dastga il sequestratur dar or la chaussa mo cun il consentiment da las persunas participadas u sin cumond dal derschader.

Art. 481

1 Sch’igl èn vegnids depositads daners cun la cunvegna expressiva u taciturna ch’il conservader n’haja betg da restituir ils medems daners, mabain mo la medema summa, ha el il profit ed il privel.

2 Ina cunvegna taciturna en quest senn po vegnir supponida, sche la summa da daners è vegnida surdada en moda betg sigillada e betg serrada.

3 Sch’i vegnan depositadas autras chaussas remplazzablas u vaglias, dastga il conservader mo disponer da quellas, sch’el ha survegnì expressivamain quella cumpetenza dal depositur.

Art. 482

1 In possessur d’in magasin che sa porscha publicamain da conservar rauba, po survegnir la permissiun da l’autoritad cumpetenta d’emetter attests da rauba per la rauba depositada. 2 Ils attests da rauba èn vaglias che dattan il dretg da retrair la rauba depositada.

3 Els pon vegnir emess sin il num, sin il cumond ubain sin il purtader. Art. 483

1 Il possessur d’in magasin è obligà da conservar la rauba sco in cumissiunari.

2 El ha, sche pussaivel, da communitgar al depositur, sch’i dat midadas vi da la rauba che pretendan da prender ulteriuras mesiras.

3 El ha da permetter al depositur da prender invista da la rauba e da far emprovas durant las uras da fatschenta sco er da permetter da tut temp las mesiras necessarias per il mantegniment da la rauba.

Art. 484

1 Il possessur d’in magasin dastga maschadar rauba remplazzabla cun autra rauba da la medema spezia e da la medema qualitad mo, sch’el ha il consentiment expressiv da far quai. 2 Da rauba maschadada po mintga depositur pretender la quantitad che correspunda a sia part depositada. IV. Sequester B. Il deposit da chaussas remplazzablas C. Magasin da deposit 1. Dretg d’emetter attests da rauba II. Obligaziun da conservaziun dal possessur d’in magasin III. Maschaida da la rauba Dretg d’obligaziuns 182 220

3 Il possessur d’in magasin dastga far la zavrada pretendida senza la cooperaziun dals auters depositurs.

Art. 485

1 Il possessur d’in magasin ha il dretg da survegnir la taxa da deposit ch’è vegnida concludida u ch’è usitada sco er da survegnir l’indemnisaziun da las expensas che n’èn betg resultadas tras la conservaziun sco tala, sco custs da transport, da dazi u da reparatura.

2 Las expensas ston vegnir indemnisadas immediatamain, las taxas da deposit suenter la scadenza da 3 mais dapi la magasinaziun ed en mintga cas, cur che la rauba vegn retratga dal tuttafatg u per part.

3 Per sias pretensiuns ha il possessur d’in magasin in dretg da retenziun vi da la rauba, uschè ditg ch’el è en possess da la rauba u ch’el po disponer da quella cun agid dals attests da rauba.

Art. 486

1 Il possessur d’in magasin ha da restituir la rauba sco in conservader, el è dentant lià vi da la durada da la conservaziun tenor contract er alura, sch’in conservader ordinari avess il dretg – pervia da circumstanzas nunprevisas – da restituir la rauba avant la scadenza dal temp fixà.

2 Sch’igl è vegnì emess in attest da rauba, dastga e sto el restituir la rauba mo a quella persuna che ha il dretg da la retrair tenor quest attest.

Art. 487

1 Ustiers ed hoteliers che dattan alloschi a persunas estras èn responsabels per tut ils donns, per tut las destrucziuns u per tut ils enguladitschs da las chaussas appurtadas da lur giasts, nun ch’els cumprovian ch’il donn saja vegnì chaschunà dal giast sez, da ses visitaders, da ses accumpagnaders u da ses servients u tras forza superiura ubain pervia da la natira da la chaussa sezza. 2 Questa responsabladad exista dentant per las chaussas da mintga singul giast mo fin a l’import da 1000 francs, sche l’ustier ubain sche ses persunal na porta nagina culpa.

Art. 488

1 Sche preziusadads, sche summas da daners pli grondas u sche vaglias na vegnan betg confidadas a l’ustier per la conservaziun, è quel mo responsabel per questas chaussas, sch’el ubain sche ses persunal è la culpa.

2 Sch’el ha surpiglià u sch’el ha refusà la conservaziun, sto el star bun per l’entira valur. IV. Dretg dal possessur d’in magasin V. Restituziun da la rauba D. Ustiers e possessurs da stallas publicas I. Responsabladad dals ustiers 1. Premissa ed extensiun 2. Responsabladad en spezial per preziusadads Lescha federala davart la cumplettaziun dal Cudesch civil svizzer 183 220

3 Sch’ins na dastga betg pretender dal giast da confidar talas chaussas, porta l’ustier la responsabladad per ellas sco per las autras chaussas dal giast.

Art. 489

1 Ils dretgs dal giast extinguan, sch’el n’annunzia betg il donn a l’ustier immediatamain suenter ch’el l’ha constatà. 2 L’ustier na po betg sa retrair da sia responsabladad, tras quai ch’el refusa quella cun pender si affischas correspundentas en las localitads da l’albiert ubain tras quai ch’el fa dependenta sia responsabladad da cundiziuns che na vegnan betg numnadas en la lescha.

Art. 490

1 Ils possessurs da stallas publicas èn responsabels per ils donns, per las destrucziuns u per ils enguladitschs dals animals, dals vehichels e da las chaussas accessoricas ch’èn vegnids confidads ad els ubain surpigliads dad els u da lur persunal en autra moda, nun ch’els cumprovian ch’il donn saja vegnì chaschunà dal confidader sez, da ses visitaders, da ses accumpagnaders u da ses servients u tras forza superiura ubain pervia da la natira da la chaussa sezza.

2 Questa responsabladad exista dentant per ils animals, per ils vehichels e per las chaussas accessoricas ch’èn vegnids surpigliads da mintga singul confidader mo fin a l’import da 1000 francs, sch’il possessur d’ina stalla publica ubain sche ses persunal na porta nagina culpa. Art. 491

1 Ustiers sco er possessurs da stallas publicas han in dretg da retenziun vi da las chaussas appurtadas, e quai per las pretensiuns che derivan da l’alloschament e da la stallaziun.

2 Las disposiziuns davart il dretg da retenziun dal locatur vegnan applitgadas confurm al senn.