Desiderio ala patria

Da Wikisource.
Jump to navigation Jump to search
ladino

Angelo Trebo Desiderio ala patria Intestazione 18 marzo 2016 50% Da definire

Desiderio ala patria.

Olá chʼ al sta na vila
sö dlungia en teʼ bel bosch,
olá chʼ al sta na ćiasa,
crössö te chël bel post,

crossö te chël bel lü
con tè oressi jí.

Olá chʼ al è dan porta
en pré de flus tan bel,
olá chʼ al jora tlʼ aria
rodúnderes tan snel,

crossö te chël bel lü
con tè oressi jí.

Olá che le calander
adora da doman,
apëna chʼ al vën lʼ alba,
so bel ćianté mët man,

crossö te chël bel lü
con tè oressi jí.

Olá che nosta oma
te cöna se nainâ,
olá che nostʼ infanzia
le pröm somié somiâ,

crossö te chël bel lü
con tè oressi jí.