Endô a ćiasa

Da Wikisource.
Jump to navigation Jump to search
ladino

Angelo Trebo E Endô a ćiasa Intestazione 18 marzo 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Endô a ćiasa.

Can chʼ i sun a ćiasa gnü,
döt tan bel al mʼ á parü:
munts y crëp endô odëi
y sön som i pic de nëi.

Munts y crëp ái damané,
sce mio agno en vita è.

Dlunch olá chʼ i jea tres,
êl döt plën de flus y pres.
Deschʼ i ea plën dʼ amur,
êl i ciöf tan plëns dʼ odur.

Vigne flu ái damané
sce mio agno en vita è.

Lʼ ont scassâ plën de flus
jö dai lëns encër chi trus.
Sön chi lëns ćiantâ vicí
de corusc tremendo bí.

Inće chi ái damané,
mai resposta nʼ ái ciafé.
Che co ess mʼ al dí orü,
inće nia ne lʼ ess salpü.

Jü spo sunse a ćiaré,
sce mio agno en vita è.

Dlungia en bosch tʼ en pré bel vërt
èl na ćiasa sö tal ërt.
Sön finestra êl zacai:
bëgn mio agno oramai.

Spo ne nʼ ái plü damané,
sce mio agno en vita è.