Fedeltè

Da Wikisource.
Jump to navigation Jump to search
ladino

Jan Batista Alton F Fedeltè Intestazione 14 marzo 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Fedelté.


„Rosina, nʼ aldesʼ mi lamënc,
Mi cör baton y sospiran?
Ne crëie mia mai no a tradimënc,
To sunsi su, sce tʼ os mia man.”

“Porcí, porcí mʼ asʼ mai tradí?
Mi cör sinzier y tan fedel
Cun lancia spiza mʼ asʼ ferí;
Püch tëmp ciamó, spo vái te vascel.”

“Tradí ne tʼ ái, ci dijesʼ mai?
Iö tʼ amʼ te sora, crëie me le posʼ;
To cör tan bun conësci y sai,
Ciaré ne ciari a pel y os.”

“Lascé ne mʼ asʼ? Co le pói pa crëiʼ?
Arbandonada mʼ án pö dit
Tan sigü che sis é dui cun le trëi;
Cí mai te mi destin él scrit?”

“Fedel te sunsi, mi bun cör,
Baujies y ingian arán ponsé;
Mo la verité solmënter nʼ mör,
Chësc mëss vignun bëgn confessé.”

„Fortüna, grazia teʼ da me,
Ah, grazia iadesc mile y mile!
O bel amur, i sun cun te,
I sun indô cun mi Vighil.”