Hansel Cazöla
 |
Questo testo è da formattare. | |
Hansel Cazöla.
Hansel Cazöla fô jü n ann vistí da pelegrin a Roma. Fates sües devoziuns i tomel tl ce de perié de n corp sant por la dlijia da San Martin, chʼ inlaota fôl ciamó lajö da ciasa. Ël vá donca al ofize dles sacres Relicuies o co chʼ ëi dij y prëia mefo bëgn dër dassënn y da devot y stamberlëia talian en na moda, che chi Cardinai stentâ a se tigní le rí! Zede ne zëdi pa ne, se pënsel. Ai lʼ ejaminëia fora de vigni vers y se consiëia anter dʼ ëi, scʼ ai pó bëgn i confidé n corp sant a n teʼ forest zënza atestac y supliches. Un ia, un ca, ala fin él le capo de chël ofize che dij: “Possiamo affidarglielo, sì, non vedete, che questo pellegrino é un uomo santo?” Ad aldí chësc se pënsel anter ël: „oe, oe! damanede mo lʼ ostí da La Vila, ci sant chʼ i sun.” Insciö á ciafé chi da san Martin le corp de san Germano.