Lʼ aisciöda

Da Wikisource.
Jump to navigation Jump to search
ladino

Angelo Trebo Lʼ aisciöda Intestazione 19 marzo 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Lʼ aisciöda.

De bona vëia sëise düć encö!
An alda y vëiga valʼ da nö.

Lʼ invern sʼ an è col ćé tan grisc,
le monn vën desco en paraîsc.

Lʼ aisciöda è śën belo gnüda.
Al è i vecí co la salüda.

Con flus na jona bel fornida,
lʼ aisciöda è en blanch iestida.

Tʼ en iade vëgnera alerch,
y jüta reses dlunch encërch.

Arʼ á n bel cëst de flus tla man,
de düć i corusc dal anterbanch.

Dagnora vára tres y tres
y jüta flus tai urć y pres.

Y canche cösta jona vën
y vigne trógnera y lën

co sʼ enfornësc con fëia jona,
da pres ćiampaneles sona.

Lʼ aisciöda fora de deserć
campagnes fej y pres bi vërć.