L scioz dla dlieja de Val

Da Wikisource.
Jump to navigation Jump to search
ladino

Ujep Antone Perathoner L L scioz dla dlieja de Val Intestazione 10 marzo 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT


Te Val, de la dala dlieʃha de San Salvester nashel na funtana d' ega.

Dan plu cënt ani vardova n di d' instà doi mutans de Sëlva la vaces ite per kla pastures. Per se parè via l' aurela longia, s' oveles sentà ʃhu da uʃhin da ksta funtana i se kuntova stories.

"Tu," dish una de ksta mutans, "ne n' essa mei audi kuntan, ke te ksta funtana dëssel vester truep grosh askendui?"

"O she n ëssa duc ki grosh ke ie tlo te Val askendui", respuend l' autra, "tan de vaces pudëssun ma mei se kumprè!"
"Nosta doi plu bela manʃes daʃhëssi bën ka, se giatësse n poz de dinei" dish inò la prima.

N kël mumënt, ke l' a abù di kësta paroles, nash ora de funtana n gran poz kolm de dinei lucënc d' or, i doi lëufes blanc fier de Kedul ʃhu i ti sauta tel kol ala doi plu bela manʃes. La mutans, kanke les a udù i lëufes, skumëncia dala tëma a kerdè i svajë n ajut.

I lëufes lasha la manʃes i mucia, i tel medemo tëmp arsësh nce l poz kui grosh inò te funtana.

Da ntlëuta inkà ne n' an plu mei nreshì nia del shoz de Val.