La Marmoledes
 |
Questo testo è da formattare. | |
Questo testo fa parte della raccolta Proverbi, tradizioni e anneddoti delle valli ladine orientali (grafia moderna)
La Marmoledes.
Te la comune Cianacei sula mont de Fedaa dala pert de mesdì é la rinomata Marmoledes. Ai tempes olache adés é la Marmoledes na outa era prà. Ai cinch dʼ aost é segra a Gries, che lʼ é la Madonna dala Neif e come festa de voto duta la jent ven ju dela mont per jir in procescion a Gries e scutèr messa. Su i prè che lʼ é adés la Marmorledes era una femena, che aea amò da restèler fen e canche lʼ à vedù che el se snigola invez de vegnir a festa lʼ à stat a restèler so fen e fenì che lʼ à abù de meter el fen te tobià a scomenzà a neiver e la disc: “Madona dala Neif in ca, lʼ é bon che é mi fen te tobià.” Ma ela à stat lò infin che el nevea e lʼ é vegnù net e in chela net lʼ à fat tanta neif che la é resteda sepolida sot la neif e no lʼ é mai più vegnù teren e cojì a scomenzà la Marmoledes.