La lüm di Pontać

Da Wikisource.
Jump to navigation Jump to search
ladino

Jan Batista Alton 1881 L La lüm di Pontać Intestazione 18 aprile 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Nuvola apps bookcase.svg Questo testo fa parte della raccolta Proverbi, tradizioni e anneddoti delle valli ladine orientali (grafia moderna) tratto da TALL Vocabolar dl ladin leterar

La lüm di Pontać.


Sö i Puntac de Badia él de nöt gonot na löm, che jora ia y ca, sö y jö, y tira salc da n lüch al ater; ara é debla insciöche la löm de n ciüch frat, chʼ an vëiga datrai de nöt; ince te cortina la vëigon saltan da na fossa alʼ atra. N caplan, che lʼ â odüda plü gonot, cherdô, chʼ al foss na löm naturala y le desplicâ ince a jënt, che minâ, chʼ al foss les püres animes, che raboscess da n lüch al ater. Mo na sëra despó chʼ ël â ciaré pro n pez, i jorera sö sön so vider y al se sperd tan, chʼ al sʼ amara y mör dal spavënt. Ince dʼ atri signai án gonot aldí cuntan. Datrai aldon na cogora brodoran fora por chëres stües, datrai sál che zacá tlocorëies te chi parëis, gonot él ci le düle che jora de nöt söl tët dla ciasa, olache un á prësc da morí; mo le plü gonot vëigon na löm jon incërch.