Nouvas Rimas/20
 |
Questo testo è completo. | |
Gian Fadri Caderas - Nouvas Rimas (1907)
Ün aster
| ◄ | 19 | 21 | ► |
Crestomazia Retoromontscha VIII 
di Caspar Decurtins (1907)
Questo testo fa parte della raccolta Rätoromanische chrestomathie
| [p. 105] | Ün aster. |
Il di ais fraid. La plövgia croda spessa;
Natüra pera sosamaing crider;
E larmas spanda da dolur oppressa
Sieu led palais, chi pò mê explicher?
5 In vaigd ais ella del solagl priveda,
Del raz benign, chi vita voul s-chafir;
O nun crider, tü povra dolureda!
Eir eau ün aster vzet ün di svanir!
[p. 106] Damaun, tieu cher, da glüsch darchò t’inuonda
10 Las larmas bütscha sün tieu sein bagnò;
Svaint mieu aster, in deserta spuonda,
Privò da glüsch, pürmemma, m’ho laschò!
Ün raz sclerit ün di la vita mia
Ed eau fidaint in el fixet il sguard;
15 Svanit dandet, e s-chür’ laschet la via,
Chi ho be led e larmas d’ogni vart!
20. September 1867.