Pagina:Catullo e Lesbia.djvu/168

Da Wikisource.
Jump to navigation Jump to search
162 parte prima.

[V]

AD LESBIAM.


Vivamus, mea Lesbia, atque amemus,
Rumoresque senum severiorum
Omnes unius æstimemus assis.
4Soles occidere et redire possunt;
Nobis cum semel occidit brevis lux,
Nox est perpetua una dormienda.
Da mî basia mille, deinde centum,
8Dein usque altera mille, deinde centum,
Dein, cum millia multa fecerimus,
Conturbamimus illa, ne sciamus;
Aut ne quis malus invidere possit,
12Cum tantum sciat esse basiorum.