Poesias da divers Aucturs/Il Linguach Romauntsch

Da Wikisource.
Jump to navigation Jump to search
Simon Caratsch

Il Linguach Romauntsch ../13 ../15 IncludiIntestazione 18 ottobre 2015 25% Da definire

13 15

Il Linguach Romauntsch.

Motto: _Ün pövel chi lingua e cOBtüms non onurn

„Da sieus antenats — quel ais in vardcd
„Ün püvel chi crouda — chi vo in maltiru
„Ün pövel indegn da giodnir liberted !"
Eir nus hoz üna launtscha — v'Iains rumper in favur
Da nos linguach Romauntsch — pel quèl portains amur;
Nus vzains co cha plaun plaun — el vain da bgers miss dvart
In möd ch'el morirò — piir memma, bod o tard.
Que ais zuond dolorus — eppür que ais varded
La lingua da nos baps — dvanted' ais rarited
— 349 —
E vi e pü udins — tschantscher in riv' al In
La lingua ch'ün discuorra — a Yienn' ed a Berlin!
Avaunt ün secol circa — tschantschaivan il Tudais-ch •
Tiers nus solum ils docts — ils sabis e l'Ovais-ch,
Mentre cha hoz in di — ün l'oda a tschantscher
Ad ogni vittürin — o schneder o chalger! —
Che dschess mê nos Pallioppi — nos Flugi, nos Klaingut,
Sch'els ressüster pudessan — eir be per ün minut
E vzessan il Romauntsch — chi ad els eira taunt cher,
Neglet, abbanduno, — sül punto da croder! —
— Ma na! l'ais auncha viv — in nossa Engiadina
Ho el auncha bain bgers — e valents defensuors,
El ho in prüma lingia — l'armeda feminina
Chi '1 drov' auncha gugend — in scrit ed in discuors,
El ho eir nos Ministers — o stimos Predichants
Chi del Romauntsch-ladin — sun protectuors zelants,
El ho eir sieus poöts — chi 's daun granda fadia
Per retarder sia fin — sia mort ed agonia;
E finelmaing ho el — la nouva, fich stirneda
Socioted Romonscha — avaunt cuort temp formeda
Col scopo sench e nöbel — da vulair coltiver
Nos idiom Romauntsch — a nus asaimper cher;
La ditta Societed — quinta bgers aderents,
Fra quels püs Professuors — e letterats valents,
Magisters e poüts — privats e predichants
E bgers romaunt<chs nel Ester — stüdents e negoziants;
Part-Sura, Engiadina — Belfort e Val Surset,
Bravuogn e Yal Müstair — con ün accord perfet
As dettan la parola — tupts proclamand con schlauntsch:
„Murir nus nun laschains — nos vegl linguach Ilomauntsch!"
E nus con els insembel — vulains eir giavüscher
Cha '1 Plod Ladin nun moura — e possans exclamer:
„Fintaunt il Languard, il Piz Ot, la Bernina
„Intuorn nus adozan superbis lur chos,
„Fintaunt s-chümand l'uonda del Öen cristallina
„Percuorra la Yall ed arrosa nos pros,
„Vulains nus eir saimper Romauntsch faveller
„Nos vegl idiom, chi taunt an 's ais cher!"

S. Caratsch.