Poesie (Porta)/145 - AI VENEZIANI CHE DEL 1816 IMPLORARONO S. M. I. R. PER NON ESSERE DIPENDENTI DA MILANO
 |
Questo testo è completo. | |
Carlo Porta - Poesie (XIX secolo)
145 - AI VENEZIANI CHE DEL 1816 IMPLORARONO S. M. I. R. PER NON ESSERE DIPENDENTI DA MILANO
| ◄ | 144 - Sura donna Clarin con sò permess | 146 - Sarev vegnuu sul lagh tant volentera | ► |
AI VENEZIANI
CHE DEL 1816 IMPLORARONO S. M. I. R.
PER NON ESSERE DIPENDENTI DA MILANO
Ma che bravi Venezian!
L’han cattaa lor el moment
de mostrass Italian
patrioti cold e bujent.
Che l’han ditt ciar e destes5
propri a lu, all’Imperator
che no voeuren Milanes
in l’Italia soa de lor;
e de fatt per gent sovranna
che han faa, ditt e bordegaa,10
l’è de giust, ghe va la canna
che l’è on segn de nobiltaa!
Quant a nun, semm gent indegna
de mes’ciass con tanta gloria,
nun che portem per insegna15
del paes sgriscia e sciloria.
Andee là car Pantaloni,
Dio ve faga soddisfaa,
che per nun pover mincioni
stemm mej soll che mal cobbiaa.20