Poesie (Porta)/154 - Oh de razza legittema de vacca!

Da Wikisource.
154 - Oh de razza legittema de vacca!

../153 - Musa rabbiada che te fee el mestee ../155 - Per fav toccà con man sur Carlantoni IncludiIntestazione 27 settembre 2008 75% poesie

Carlo Porta - Poesie (XIX secolo)
154 - Oh de razza legittema de vacca!
153 - Musa rabbiada che te fee el mestee 155 - Per fav toccà con man sur Carlantoni

 
Oh de razza legittema de vacca!
pregna de fumm, de smorfi, de caprizzi,
senza tratt, senza mond, vera pingiacca,
degna miee d’on zoccolott novizzi;

de già che tò marì nol ne sa on’acca5
né ’l sa insegnatt a respettà i messizzi,
te daroo mì quaj lezionetta a macca
coll’intenzion de fatt quistà giudizzi.

Cossa credet de vess mò tì a sto mond
col pettatt i toeu simel sul liutt?10
Quaj coss de pù di olter?... Vatt a scond.

T’el diroo mì... Te see on masigott brutt
e in quant a civiltaa n’occorr sconfond,
manch sossenn d’on ruee, manch d’on magutt.

Hoo nanca mò ditt tutt,15
ma vojaroo el mè goss prest anca mò.
Inscì podessett tì vojà on poo el tò.